1 Jɔn 3:7 - EBƆRƐ BE KAWƆL

⁷ Ma mbi shasoana, men sa maŋ shin nɛ esa kikɛ e shin nɛ men foe ekpa. Ekama nɛ e bee wora asheŋ nɛ a niŋi la esa niŋiso nna ashi Ebɔrɛ be anishito fanɛ kananɛ Kristo niŋi na.

1 Jɔn 3:7 ပူးပေါင်းရင်းမြစ်များ

Nshɛ 106:3

Kagbenefuli la bekama nɛ baa ji asheŋ nɛ amo be ekpa so nsaa wora asheŋ niŋiso jemanɛ kikɛ na peya nna.

Nshɛ 45:7

Fee sha asɔ nɛ a niŋi ekpa nna nseŋ ŋ kishi alubi. Amoso nɛ fo Ebɔrɛ lara fo, nseŋ sa fo kagbenefuli nɛ k chɔ fo braana peya na.

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Luuk 1:75

n shin nɛ an shuŋ mo a maa ŋana nɛ an baa du cheembi a maa kɔ kulubi kikɛ mo kutɔ ashi an be ŋkpa ere to kikɛ.

Ashuŋ Shunso 10:35

Esa kama nɛ e bee ŋana mo nsaa wora asɔ nɛ a bee bɔla ekpa nɛ e bee sɔ.

Romebi 2:13

Ŋkpal manɛ so, mannɛ basa nɛ baa nu mbra na nɛ Ebɔrɛ bee nase kumo fanɛ b la belelapo mbe anishito, bumo nɛ baa wora kusɔ nɛ mbra na bee kaŋɛ na nɛ Ebɔrɛ beeŋ ba nase kumo fanɛ b la belelapo.

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Hibruwebi 1:8

Ama Ebinyɛn na bre be asheŋ, le nɛ Ebɔrɛ kaŋɛ: “O Ebɔrɛ, fo kuwura beeŋ baa wɔtɔ mbaanaayɔ. Kashenteŋ malɛ nɛ feeŋ baa kɔ a ji kuwura fo basa so ashi fo kuwura na to.

Hibruwebi 7:2

Ndoŋ nna nɛ Eebraham sa Mɛlkizedɛk kusɔ kama nɛ e daŋ nya na be kudukudusopo. Kusɔ nɛ k juŋkpar Mɛlkizedɛk be asheŋ to e la fanɛ mbe ketre be kifito e la Ebɔrɛ be anishito be alelasheŋ be ewura. Kede malɛ be kaman Seelɛm be ewura e la mo, kumo e la fanɛ kagbenewushi be ewura.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.

Jeems 2:19

Fo yirda fanɛ Ebɔrɛ koŋwule e wɔtɔ. To, fo wora nɛnɛ, ama baa nyi fanɛ mbuibi lubi gba bee shuli fanɛ Ebɔrɛ koŋwule e wɔtɔ nɛ kumo alɛ bee keta bumo kufu nɛ baa chicha.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Jɔn 2:1

Ma mbi shasoana, mee sibɛ kawɔl ere nna a sa menyi nɛ men sa maŋ wora alubi. Ama nɛ k ba fanɛ ekama nɛ e ba wora kulubi bre, an kɔ ematapo ashi anyi nɛ Ebɔrɛ Etuto na be nferinto. Mo e la Yesu Kristo, esa nɛ e la esa lela Ebɔrɛ be anishito na.

1 Jɔn 2:26

Mee sibɛ asɔ ere nna a sa menyi nɛ ŋ kaŋɛ menyi basa nɛ baa sha kefule menyi na be asheŋ.

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

1 Jɔn 3:18

Ma mbi shasoana, men sa maŋ shin nɛ an baa kɔ mmalga ŋko nnɔ nawule a sha basa, men shin nɛ an baa kɔ aworbi nɛ kashenteŋ a sha basa.

1 Jɔn 3:3

Esa kama nɛ e kɔ le be tama ere ashi Kristo to bee keni mbe kumu so nna a du cheembi fanɛ kananɛ Kristo du cheembi na.

1 Jɔn 4:17

Kasha malɛ bɔlɔ anyi to nna felɛlɛ, saŋɛ na so demujiachɛ na anyi maaŋ shika to, ŋkpal manɛ so, anyi be kebaawɔtɔ durnya ere to nɛ kananɛ Kristo du na la kukoŋwule nna.