1 Jɔn 3:3 - EBƆRƐ BE KAWƆL

³ Esa kama nɛ e kɔ le be tama ere ashi Kristo to bee keni mbe kumu so nna a du cheembi fanɛ kananɛ Kristo du cheembi na.

1 Jɔn 3:3 ပူးပေါင်းရင်းမြစ်များ

2 Samuɛl 22:27

Basa kama nɛ kulubi maŋ wɔ bumo to na nɛ fee lara fo kumu a ŋini, ama belubiworapo bre be alubi be kakɔka nɛ fee sa bumo.

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Luuk 6:36

Amoso, men baa wu kuwɔr fanɛ kananɛ men Tuto bee wu kuwɔr na.

Baru lela nɛ Jɔn kute na 17:19

Bumo alɛ so mee lara ma kumu nna a yili a sa fo, saŋɛ na so bumo alɛ gba beeŋ lara bumo be amu n yili n sa fo kashenteŋto.

Ashuŋ Shunso 15:9

E maŋ ŋini fanɛ an kɔr bumo to. Bumo be yirda so nɛ e ta bumo be alubi m paŋ bumo.

Romebi 15:12

Ade malɛ gba kikɛ be kaman le nɛ anebi Aizaaya yɛ: “Jɛsi be kenanabi beeŋ ba kachako m ba lar n ji nnyamase so kuwura nɛ b ta bumo be tama kikɛ n deŋi mo so.”

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Kɔlɔsiebi 1:5

ŋkpal men ka bee tama asɔ nɛ Ebɔrɛ bela n yili menyi ebɔrɛso so.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

Taites 3:7

Ŋkpal mbe kuwɔr be kakɛ na so e kpra anyi be alubi ashi anyi so nɛ ŋkpa nɛ k maŋ kɔ ekar nɛ anyee tama na e ki anyeya.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Pita 1:15

Ama men baa du cheembi kusɔ kama nɛ menyee wora to fanɛ kananɛ emo nɛ e tre menyi na du na.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

2 Pita 1:4

Ade malɛ kikɛ so nɛ e bɔla n sa anyi mbe nnɔ naseso gboŋana nɛ a maŋ kɔ abraana kikɛ na, saŋɛ na so menyeeŋ bɔla amo so ŋ gelge kafulesheŋ nɛ k wɔ durnya ere to ŋkpal kumo be ayɛlgasɔ so nseŋ ba tu Ebɔrɛ a kɔ mbe kapɔr na.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

1 Jɔn 2:6

Ekama malɛ nɛ e bee kaŋɛ fanɛ e wɔ Ebɔrɛ na to, a daga fanɛ amodoŋwura e baa wora asheŋ fanɛ kananɛ Yesu daa wora na.

1 Jɔn 4:17

Kasha malɛ bɔlɔ anyi to nna felɛlɛ, saŋɛ na so demujiachɛ na anyi maaŋ shika to, ŋkpal manɛ so, anyi be kebaawɔtɔ durnya ere to nɛ kananɛ Kristo du na la kukoŋwule nna.