1 Jɔn 3:20 - EBƆRƐ BE KAWƆL

²⁰ Anyi alɛ beeŋ tiŋ n wora ade kikɛ nna, ŋkpal manɛ so, Ebɔrɛ e chɔ anyi be ŋgbene, mo alɛ nseŋ naa nyi kusɔ kama.

1 Jɔn 3:20 ပူးပေါင်းရင်းမြစ်များ

Job be kawɔl 27:6

Ŋkpal manɛ so, karechɛ kikɛ ma nfɛra bee wora ma nna fanɛ m maŋ wora kulubi.

Job be kawɔl 33:12

Ama mee kaŋɛ fo, Job, nna fanɛ fo wora n foe. Ebɔrɛ e chɔ dimɛdi kikɛ.

Nshɛ 90:8

Fo alɛ nyi anyi be alubi kikɛ be asheŋ; hale amo nɛ an ŋana n wora ashiri to gba.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Baru lela nɛ Jɔn kute na 8:9

Yesu ka kaŋɛ loŋ na nɛ bumo nɛ b nu na fara a yɔ kukoko to. Benimu e daŋ fara loŋ hale nɛ Yesu nawule ya ka nɛ kache na malɛ kraa yil ndoŋ.

Ashuŋ Shunso 5:33

Nshɛrwuraana na ka nu loŋ nɛ b nya agbo ga nseŋ yili kumo fanɛ baaŋ shin nɛ b mɔ beshuŋipo na.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

1 Kɔrintebi 4:4

Kashenteŋ nna fanɛ m maŋ wu kulubi kikɛ ma so, ama kumo be loŋ maa shin nɛ mee ji a lar. Enyɛnpe e naa ji ma demu.

Taites 3:11

Baa nyi fanɛ loŋ be esa be nfɛra maŋ walɛ. Alubi nɛ e wɔtɔ a wora nɛ alubi na malɛ gba bee ŋini e ka maŋ kɔ kashenteŋ.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Hibruwebi 6:13

Ebɔrɛ ka daŋ nase kɔnɔ n sa Eebraham na e daŋ bɔ mo gbagba be kumu nna fanɛ e beeŋ wora kusɔ nɛ e daŋ nase na, ŋkpal manɛ so, esa kikɛ daa maŋ naa wɔtɔ a chɔ mo nɛ e bɔ n ti amodoŋwura be ketre.

1 Jɔn 3:19

Loŋ nɛ anyeeŋ pin an ka wɔ kashenteŋ na to nɛ saŋkama malɛ nɛ an be ŋgbene bee ji a bri anyi, anyeeŋ wushi amo ashi Ebɔrɛ be anishito.

1 Jɔn 3:21

Beshapo, nɛ an be ŋgbene baa maa ji a bri anyi, kumo ere anyi maa shika to Ebɔrɛ be anishito.

1 Jɔn 4:4

Ama menyi ere, ma mbi shasoana, men la Ebɔrɛ be basa nna m pɔɔ loŋ be anebi fɛpoana so, ŋkpal manɛ so, esa nɛ e wɔ menyi to na e chɔ emo nɛ e wɔ durnya ere to na.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.