1 Jɔn 3:19 - EBƆRƐ BE KAWƆL

¹⁹ Loŋ nɛ anyeeŋ pin an ka wɔ kashenteŋ na to nɛ saŋkama malɛ nɛ an be ŋgbene bee ji a bri anyi, anyeeŋ wushi amo ashi Ebɔrɛ be anishito.

1 Jɔn 3:19 ပူးပေါင်းရင်းမြစ်များ

Nshɛ 119:56

Kusɔ nɛ mee wora saŋkikɛ e la kebaawora fo mbra na kasonu.

Aizaaya 32:17

Ŋkpal ekama ka beeŋ baa wora kusɔ nɛ k daga so, kayurwushi beeŋ ba nɛ kufu maaŋ naa kɔ esa kama mbaanaayɔ.

Baru lela nɛ Jɔn kute na 13:35

Nɛ menyee sha abar, basa kikɛ beeŋ pin men ka la ma bebɛsopo.”

Baru lela nɛ Jɔn kute na 18:37

Ndoŋ nna nɛ Pailat bishi mo: “Kumo ere, ewura e la fo nna ŋko?” Nɛ Yesu kaŋɛ mo: “Kumo nɛ fo baa kaŋɛ na. Kesheŋ nɛ mee sha kekaŋɛ ere so nɛ b kurge ma. Kumo koŋwule na malɛ so nɛ m ba durnya ere to fanɛ m ba malga kashenteŋ na be asheŋ. Esa kama malɛ nɛ e wɔ kashenteŋ na to bee nu nna a sa ma.”

Romebi 4:21

E daa nyi geeŋ fanɛ Ebɔrɛ beeŋ tiŋ n wora kusɔ nɛ e daŋ nase kɔnɔ ŋ kaŋɛ fanɛ e beeŋ wora na.

Romebi 8:38

Ŋkpal manɛ so, m baa nyi geeŋ nna fanɛ shɛŋ shɛŋ maaŋ tiŋ n lara kasha nɛ e kɔ a sa anyi na anyi so. Nɛ an wu ŋko an wɔ ŋkpa to gba, anyi maaŋ tiŋ n lar mbe kasha na to. Emalaika ŋko mbuibi lubiana ŋko asheŋ nɛ a bee wora naniere ŋko amo nɛ a beeŋ wora kachako gba ŋko eleŋana maaŋ tiŋ n lara kasha na anyi so.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

1 Jɔn 1:8

Nɛ an baŋ kaŋɛ fanɛ an maŋ kɔ kulubi bre, anyee fule anyi be amu nna nɛ kashenteŋ malɛ maŋ wɔ anyi to kuraa.

1 Jɔn 2:21

Mannɛ fanɛ men ka maŋ nyi kashenteŋ na so e shin nɛ mee sibɛ asɔ ere a sa menyi, ama menyi ka nyi kumo so nseŋ naa nyi fanɛ efɛ kikɛ maŋ wɔ kashenteŋ na to so nɛ mee sibɛ amo a sa menyi.

1 Jɔn 3:14

Esa kama nɛ e maa sha mo braana kraa wɔ luwu to nna na. Ama anyi ere nyi fanɛ an lar luwu to m ba luri ŋkpa to nna, ŋkpal manɛ so, anyee sha an niopibiana.

1 Jɔn 3:20

Anyi alɛ beeŋ tiŋ n wora ade kikɛ nna, ŋkpal manɛ so, Ebɔrɛ e chɔ anyi be ŋgbene, mo alɛ nseŋ naa nyi kusɔ kama.

1 Jɔn 3:21

Beshapo, nɛ an be ŋgbene baa maa ji a bri anyi, kumo ere anyi maa shika to Ebɔrɛ be anishito.