1 Jɔn 3:17 - EBƆRƐ BE KAWƆL

¹⁷ Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?

1 Jɔn 3:17 ပူးပေါင်းရင်းမြစ်များ

Aŋasa 12:10

Basa lela bee keni bumo be asɔbɔya gba so nɛnɛ nna, ama basa lubi bre be shɛŋ maŋ wɔ bumo be asɔbɔya to.

Aŋasa 14:31

Esa nɛ e bee mɛaŋ betirpo maa sa Ebɔrɛ nɛ e to bumo na bunyaŋ nna na, ama esa nɛ e bee wu betirpo kuwɔr bre bee bunyaŋ Ebɔrɛ nna.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aŋasa 21:13

Fo baŋ kini kenu etirpo be kushu, fo alɛ gba beeŋ shu nɛ basa maaŋ tuge fo.

Aŋasa 28:9

Ebɔrɛ maa nu esa nɛ e maa bɛ mbra so be kabɔrɛkule.

Luuk 3:11

Nɛ e kaŋɛ bumo: “Ekama nɛ e kɔ nle anyɔ, e lara kuko n sa emo nɛ e maŋ kɔ. Nɛ ekama malɛ nɛ e kɔ ajibi e sa beko.”

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

Jeems 2:15

An ta fanɛ fo barkasa ebɛsopo kɔ asɔ farbi nna a buu, mo alɛ maŋ naa kɔ kusɔ jiso nɛ e ji,

Jeems 2:16

nɛ fo wu mo nseŋ kaŋɛ mo le: “Ebɔrɛ e chɛ fo to nseŋ sa fo asɔbuuso lela nɛ ajibi,” fo alɛ maŋ chɛ mo to n sa mo asɔ nɛ a daga, mannɛ asheŋ fuloŋ nɛ fo wora ere a?

1 Jɔn 4:20

Esa kama nɛ e bee kaŋɛ le: “Mee sha Ebɔrɛ,” mo alɛ nsaa kishi mo niopibi la efɛpo nna, ŋkpal manɛ so, esa nɛ e bee wu mo niopibi ŋkaa maaŋ tiŋ n sha mo, maaŋ tiŋ n sha Ebɔrɛ mo nɛ e maŋ naŋ wu kikɛ na.

1 Jɔn 5:1

Esa kama nɛ e yirda fanɛ Yesu e la Kristo na la Ebɔrɛ pibi nna nɛ ekama malɛ nɛ e bee sha esa nɛ e kurge ebi na beeŋ baa sha ebi na gba.