1 Jɔn 3:16 - EBƆRƐ BE KAWƆL

¹⁶ Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.

1 Jɔn 3:16 ပူးပေါင်းရင်းမြစ်များ

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Baru lela nɛ Jɔn kute na 10:11

Ma e la mbolpɔkpapo lela na, mbolpɔkpapo lela na bee shin nɛ baa lara mbe ŋkpa ashi mo to nna a sa mbolpɔ na.

Baru lela nɛ Jɔn kute na 10:15

fanɛ kananɛ Etuto na nyi ma nɛ ma alɛ gba nyi Etuto na. Ma alɛ bee ta ma kumu nna a mɔ a sa bumo.

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Romebi 16:4

B daŋ kpal ma so nna n ta bumo be amu ŋ kpa kelara. Mee chɔrɔ bumo ga ŋkpal loŋ so, mannɛ n nawule gba malɛ e naa chɔrɔ bumo. Nnyamase be asɔriebiana na kikɛ gba bee chɔrɔ bumo ga.

Romebi 5:8

Ama kananɛ Ebɔrɛ ŋini anyi mbe kasha nde fanɛ saŋɛ nɛ an daa la alubiworapoana na nɛ Yesu wu n sa anyi.

2 Kɔrintebi 4:12

Amoso, luwu wɔ anyi to nna a shuŋ nɛ ŋkpa malɛ gba wɔ menyi to a shuŋ.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ɛfesesebi 5:25

Benyɛn, men baa sha men be becheana fanɛ kananɛ Kristo sha asɔri na nseŋ ta mbe kumu n sa kumo na.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Filipaiebi 2:30

E daŋ ta mbe kumu nna a sha kesa ma kechɛto nɛ menyi ere gbagba daa maaŋ tiŋ n sa ma.

1 Tɛsalɔnikaebi 2:8

Mannɛ fanɛ baru lela nɛ k shi Ebɔrɛ kutɔ na nawule nɛ an daŋ bugi kagbene n sa menyi, ama an daŋ ta an be amu kikɛ gba nna n sa menyi kashaso, ŋkpal manɛ so, men be asheŋ daa wɔ an be ŋgbene to ga.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Jɔn 2:6

Ekama malɛ nɛ e bee kaŋɛ fanɛ e wɔ Ebɔrɛ na to, a daga fanɛ amodoŋwura e baa wora asheŋ fanɛ kananɛ Yesu daa wora na.

1 Jɔn 2:9

Esa kama nɛ e bee kaŋɛ fanɛ e wɔ kefulto na to, mo alɛ nsaa kishi mo niopibi, kraa wɔ tentembiri to nna na.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.