1 Jɔn 3:15 - EBƆRƐ BE KAWƆL

¹⁵ Esa kama nɛ e kishi mo niopibi la emɔpo nna, menyi alɛ nyi fanɛ emɔpo kikɛ maŋ kɔ ŋkpa nɛ k maŋ kɔ ekar na mo to.

1 Jɔn 3:15 ပူးပေါင်းရင်းမြစ်များ

Jɛnesis 27:41

Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Maak 6:19

Amoso, Hɛrodias daŋ kurge mo yurkishi nna a fin mo nɛ e mɔ, ama e daa maŋ tiŋ ŋkpal Hɛrɔd ka daa ŋana Jɔn na so.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Ashuŋ Shunso 23:12

Kumo be ŋklade nɛ Juwebi na shɛr ŋ kre bumo be nia nseŋ sa Ebɔrɛ kɔnɔ fanɛ b baa maŋ mɔ Pɔɔl b maaŋ ji ajibi, bumo alɛ maaŋ nuu shɛŋ.

Ashuŋ Shunso 23:14

B ka sa kɔnɔ na n loge nɛ b yɔ bɔrɛmatapowuraana na nɛ benimuana na kutɔ n ya kaŋɛ bumo: “An ba abar so nna m ba sa kɔnɔ kpakpaso fanɛ an baa maŋ mɔ Pɔɔl, an maaŋ ji shɛŋ.

Ditɛronɔmi 19:11

Ama nɛ fo kute m mɔ fo barkasa ŋkpal fo ka kishi mo so nseŋ shile n yɔ nde na be kekama to n ya ŋana.

Jeems 1:15

Kulubi malɛ baŋ ba wora keshi, kumo be lalaloge e la luwu.

1 Pita 1:23

Ŋkpal manɛ so, b naŋ lɔŋɛ ŋ kurge menyi kela nyɔsopo nna, loŋ be kakurge na malɛ maŋ shi kusɔ nɛ k beeŋ tiŋ n jija to, ama Ebɔrɛ be kamalga mo nɛ k wɔtɔ saŋkikɛ a maŋ kɔ ekar na to nɛ b bɔla ŋ kurge menyi.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.

1 Jɔn 2:9

Esa kama nɛ e bee kaŋɛ fanɛ e wɔ kefulto na to, mo alɛ nsaa kishi mo niopibi, kraa wɔ tentembiri to nna na.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”