1 Jɔn 3:12 - EBƆRƐ BE KAWƆL

¹² A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.

1 Jɔn 3:12 ပူးပေါင်းရင်းမြစ်များ

Jɛnesis 4:25

Ndoŋ nna nɛ Adam nɛ mbe eche naŋ di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Sɛt. Nɛ Adam be eche yɛ: “N nase mo loŋ nna, ŋkpal manɛ so, Ebɔrɛ naŋ sa ma ebinyɛn nna n tal Eebel nɛ Keen mɔ na to.”

2 Samuɛl 13:22

Absalɔm daa maŋ tuge Amnɔn shɛŋ ama e daŋ kishi mo nna, ŋkpal e ka pur mo sipoche Tamaa so so.

Nshɛ 37:12

Belubiworapo bee kre basa lela asheŋ lubi nna, nsaa keni bumo yurkishiso.

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Aŋasa 27:4

Esa nɛ e bee nya agbo manaŋ manaŋ lubi a chɔ, esa nɛ e bee kɔ kukɔrkɔ lubi.

Aŋasa 29:10

Emɔpo maa sha basa nɛ baa wora asheŋ nɛ a niŋi be asheŋ. Saŋkama e bee fin bumo nɛ e mɔ nna.

Aŋasa 29:27

Basa nɛ baa wora asheŋ nɛ a niŋi kishi belubiworapo ga. Nɛ belubiworapo malɛ gba kishi basa nɛ ba wora asheŋ nɛ a niŋi.

Matiu 13:19

Ekama nɛ e bee nu Ebɔrɛ be kuwura na to be asheŋ ŋkaa maa pin kumo be asheŋ to na du fanɛ asɔ duuso nɛ a daŋ tɔr ekpa to na nna. E baŋ nu n loge, alubipo na bee ba nna m ba lara kamalga na mbe kagbene to.

Matiu 13:38

Kudɔ na e la durnya ere nɛ asɔ duuso lela na malɛ la Ebɔrɛ be kuwura na to be basa. Asɔ duuso lubi na malɛ e la alubipo na be basa.

Matiu 23:35

Amoso, belelapo nɛ b mɔ baŋ fara jemanɛ nɛ b mɔ Ebel elelapo na kikɛ m ba fo Barakaya pibi Zakareya nɛ men mɔ bɔrɛsure na nɛ bɔrɛlambu be nferinto na achɛ be luwu be turju beeŋ baa bɛ menyi.

Matiu 27:23

Nɛ e bishi bumo: “Manɛ nna? Manɛ be kulubi nɛ e wora?” Ama b lɔŋɛ m ponte awɔrso ga a chɔ sososo na ŋ kaŋɛ: “Gbir mo m mata kedibi largato so.”

Matiu 5:37

Kesheŋ kama nɛ b bishi menyi, men shin nɛ men be kamalga e baa la mm ŋko m-m. Kamalga kama nɛ men naŋ malga n ti so shi alubipo na kutɔ nna.

Luuk 11:51

Kumo e la fanɛ, baŋ fara jemanɛ nɛ b mɔ Ebel na m ba fo Zakareya nɛ b mɔ bɔrɛsure na nɛ bɔrɛlambu be nferinto na achɛ nɛ n de na. Ma e kaŋɛ menyi na fanɛ kashenteŋto, asheŋ na kikɛ be kasogberge beeŋ ba mbreebi ere so.

Baru lela nɛ Jɔn kute na 10:32

Nɛ Yesu bishi bumo le: “Asheŋ lela damta nɛ a shi Etuto na kutɔ nɛ n wora ŋ ŋini menyi. To, nɛ amo be kumo so nɛ menyee kpal a sha nɛ men kpa ma ajembu ere?”

Baru lela nɛ Jɔn kute na 8:40

Ama kumo nɛ menyee sha kemɔ ma na ŋkpal ŋ ka kaŋɛ menyi kashenteŋ nɛ n nu ashi Ebɔrɛ kutɔ so. Le be asheŋ nɛ Eebraham daŋ wora a?

Baru lela nɛ Jɔn kute na 8:41

Asɔ nɛ men tuto bee wora nɛ menyee wora na.” Nɛ b kaŋɛ Yesu le: “Mannɛ ayurbi e la anyi. Etuto koŋwule nɛ an kɔ, mo alɛ e la Ebɔrɛ na.”

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

1 Tɛsalɔnikaebi 2:14

Ŋ kurgepoana, kusɔ nɛ k wora menyi na koŋwule na e wora bumo nɛ baa bɛ Ebɔrɛ so a wɔ Judiya na gba. Bumo e la bumo nɛ b la Yesu Kristo peya na. Kananɛ men be efuli so ebi bee tɔrɔ menyi na nɛ Juwebi na ta n tu bebɛsopo nɛ b wɔ Judiya to na gba.

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

1 Pita 4:4

Naniere k bee chinchiŋ bumo nna, ŋkpal men ka maŋ naa tu bumo a wora loŋ be asheŋ jiga na so. Amoso nɛ baa tege menyi na.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.