1 Jɔn 3:11 - EBƆRƐ BE KAWƆL

¹¹ Kubɔya ere nɛ men daŋ nu sososo kikɛ na fanɛ a daga fanɛ an baa sha abar.

1 Jɔn 3:11 ပူးပေါင်းရင်းမြစ်များ

Baru lela nɛ Jɔn kute na 13:4

Amoso, Yesu daŋ koso ajibi na akpa nna n yili nseŋ gbaŋ mbe piŋi n nase nseŋ ta bɔrdeba n chɛ kashɛr.

Baru lela nɛ Jɔn kute na 15:12

Ma kamalga naseso nde: ‘Men baa sha abar fanɛ kananɛ mee sha menyi na.’

Galeeshaebi 6:2

Men baa chɛ abar to ashi men be asheŋ tirso to, loŋ na menyeeŋ baa bɛ Kristo be mbra na so.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

1 Tɛsalɔnikaebi 4:9

Kananɛ menyeeŋ baa sha men braana beyirdapo bre maŋ naŋ daga an ka naŋ sibɛ ŋ kaŋɛ menyi kumo be asheŋ. Ebɔrɛ teŋ ŋ ŋini menyi gbagba kananɛ menyeeŋ baa sha abar.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Pita 4:8

Ade kikɛ be kaman, men baa sha abar kashenteŋto, ŋkpal manɛ so, kasha e naa buu alubi damta so.

1 Jɔn 1:5

Baru mo nɛ an nu ashi Ebɔrɛ Pibinyɛn na kutɔ nsaa bɔ kumo a sa menyi na nde fanɛ Ebɔrɛ la kefulto nna nɛ tentembiri malɛ kikɛ maŋ wɔ mo to kuraa.

1 Jɔn 4:11

N teri shasoana, ŋkpal kananɛ Ebɔrɛ sha anyi ere so, a daga fanɛ anyi alɛ gba e baa sha abar.

1 Jɔn 4:21

To, le be kamalga naseso ere nɛ e ta m bɔɔ anyi enɔ fanɛ, esa kama nɛ e bee sha Ebɔrɛ e baa sha mo niopibi gba.

1 Jɔn 4:7

N teri shasoana, men shin nɛ an baa sha abar, ŋkpal manɛ so, kasha shi Ebɔrɛ kutɔ nna. Esa kama nɛ e kɔ kasha la Ebɔrɛ pibi nna na, mo alɛ nsaa nyi Ebɔrɛ.

2 Jɔn 1:5

Naniere malɛ mee kule fo nna fanɛ fo shin nɛ an kikɛ e baa sha abar be asheŋ, kumo alɛ maŋ la kamalga naseso popɔr ko nna nɛ mee sibɛ a sa fo, kumo nɛ an nya sososo na kikɛ na nna.