1 Jɔn 3:1 - EBƆRƐ BE KAWƆL

¹ Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.

1 Jɔn 3:1 ပူးပေါင်းရင်းမြစ်များ

2 Samuɛl 7:19

Ama naniere bre gba nɛ fo Enyɛnpetale Ebɔrɛ be kelela nɛ fee wora a sa ma kraa ti so. Fo nase kɔnɔ n sa ma kaman to ebi gba. Ama Enyɛnpetale Ebɔrɛ, le nɛ fee wora a sa basa kikɛ a?

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Luuk 20:36

Ŋkpal manɛ so, b maaŋ naŋ tiŋ n wu, baaŋ baa wɔtɔ nna fanɛ emalaika nsaa la Ebɔrɛ be mbia ŋkpal b ka naŋ ba ŋkpa to so.

Baru lela nɛ Jɔn kute na 1:12

Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.

Baru lela nɛ Jɔn kute na 11:52

Mannɛ bumo nɛ b daa wɔ efuli na so na nawule gba, ama e daa shin nɛ e wu n sa Ebɔrɛ be mbia nɛ b daŋ pesaŋ to a wɔ mboŋ pɔtɛana na kikɛ gba, saŋɛ na so e beeŋ bar bumo abar so n shin nɛ b ba ki kukoŋwule.

Baru lela nɛ Jɔn kute na 15:21

Asheŋ ere kikɛ nɛ baaŋ wora menyi ŋkpal men ka la meya so, ŋkpal manɛ so, b maŋ nyi esa nɛ e shuŋi ma na.

Baru lela nɛ Jɔn kute na 16:3

Bumo alɛ beeŋ wora loŋ nna ŋkpal b ka maŋ nyi Etuto ŋko ma so.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Romebi 5:8

Ama kananɛ Ebɔrɛ ŋini anyi mbe kasha nde fanɛ saŋɛ nɛ an daa la alubiworapoana na nɛ Yesu wu n sa anyi.

Romebi 8:19

Ebɔrɛ be kepɔrso kikɛ nyam malɛ baa jɔŋ kumo be aya so nna a jo saŋɛ nɛ Ebɔrɛ beeŋ lara mbe mbia efuli na.

Romebi 8:21

Ama le be tama ere e chɛr a wɔtɔ fanɛ kepɔrso kikɛ gbagba beeŋ nya kumo be kumu a maaŋ naŋ wu m bɛ kachako nɛ Ebɔrɛ e shin nɛ k nya kumo be kemaŋkura nɛ Ebɔrɛ kɔ a sa mbe mbia na.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

1 Jɔn 4:17

Kasha malɛ bɔlɔ anyi to nna felɛlɛ, saŋɛ na so demujiachɛ na anyi maaŋ shika to, ŋkpal manɛ so, anyi be kebaawɔtɔ durnya ere to nɛ kananɛ Kristo du na la kukoŋwule nna.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.