1 Jɔn 2:3 - EBƆRƐ BE KAWƆL

³ Nɛ an baa bɛ Ebɔrɛ be mmalga naseso so bre, kumo ere an baa nyi geeŋ fanɛ an nyi mo.

1 Jɔn 2:3 ပူးပေါင်းရင်းမြစ်များ

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Nshɛ 119:6

M maaŋ ji anishinyɔr jemanɛ nɛ meeŋ baa bɛ fo mbraana so na.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

Baru lela nɛ Jɔn kute na 14:15

Nɛ men baa sha ma, menyeeŋ baa bɛ ma mmalga naseso so.

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Baru lela nɛ Jɔn kute na 15:14

Nɛ men baa wora asɔ nɛ mee kaŋɛ menyi, kumo ere n teriana e la menyi.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

1 Jɔn 2:13

Mee sibɛ nna a sa menyi betutoana ŋkpal men ka nyi mo ere esa nɛ e wɔ ŋkpa to sososo kikɛ na so. Mee sibɛ nna a sa menyi mbrantiɛbia ŋkpal men ka pɔɔ alubipo na so so.

1 Jɔn 3:14

Esa kama nɛ e maa sha mo braana kraa wɔ luwu to nna na. Ama anyi ere nyi fanɛ an lar luwu to m ba luri ŋkpa to nna, ŋkpal manɛ so, anyee sha an niopibiana.

1 Jɔn 3:19

Loŋ nɛ anyeeŋ pin an ka wɔ kashenteŋ na to nɛ saŋkama malɛ nɛ an be ŋgbene bee ji a bri anyi, anyeeŋ wushi amo ashi Ebɔrɛ be anishito.

1 Jɔn 3:6

Amoso, esa kama malɛ nɛ e shir a wɔ mo to maa wora alubi. Esa kama nɛ e baa wɔtɔ a wora alubi bre maŋ naŋ wu mo ŋko m pin mo Yesu na nna na.

1 Jɔn 4:13

Kananɛ anyee wora a pin fanɛ an wɔ mo to nɛ mo alɛ gba wɔ anyi to nde: E ta mo gbagba be Kiyoyu nna n sa anyi.

1 Jɔn 4:7

N teri shasoana, men shin nɛ an baa sha abar, ŋkpal manɛ so, kasha shi Ebɔrɛ kutɔ nna. Esa kama nɛ e kɔ kasha la Ebɔrɛ pibi nna na, mo alɛ nsaa nyi Ebɔrɛ.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

1 Jɔn 5:2

Nɛ an baa sha Ebɔrɛ nsaa bɛ mbe mmalga naseso so bre, loŋ nɛ anyeeŋ pin an ka bee sha Ebɔrɛ be mbia gba.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.

Kelaraŋŋini 12:17

Ndoŋ nna nɛ kusɔ gbeyeso na diewu ga n wora kache na nseŋ kilgi m bɛta n yɔ nɛ e ya kɔ kache na be kaman to ebi nɛ b ka na kena. Bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa ji Yesu be shɛda na.

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.