1 Jɔn 2:18 - EBƆRƐ BE KAWƆL

¹⁸ Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.

1 Jɔn 2:18 ပူးပေါင်းရင်းမြစ်များ

Matiu 24:11

Nɛ anebi fɛpoana damta e lar n fule basa damta.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 24:5

Ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la Ebɔrɛ be esa laraso Kristo na,’ nseŋ fule basa damta.

Maak 13:6

Ŋkpal manɛ so, basa damta beeŋ ba kaa kɔ ma ketre a na a kaŋɛ: ‘Ma e la mo!’ Nseŋ fule basa damta.

Baru lela nɛ Jɔn kute na 21:5

Ndoŋ nna nɛ e tre bumo m bishi bumo: “Mbrantiɛ, men maŋ pɛ kɔrɔtɔ kama a?” Nɛ b kaŋɛ mo: “Ayai, anyi maŋ pɛ shɛŋ.”

Romebi 13:11

Men baa wora loŋ a nyi jemanɛ mo nɛ an wɔ ere to be asheŋ. Jemanɛ mo nɛ k daga fanɛ men tiŋi ashi menyi be edi to na fo, ŋkpal manɛ so, naniere anyi be kumɔlga be kachɛ na taga to a chɔ saŋɛ nɛ an daŋ fara n yirda Yesu Kristo na.

Romebi 13:12

Kanyɛ na biri n chɛr ga, naniere a ka gbrɛ nɛ kare e chɛ. Amoso, men shin nɛ an yige tentembiri to be ashuŋ shunso n lɛ nseŋ ta akɔsɔ na a wɔ kefulto to a kɔ.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

1 Pita 1:20

Ebɔrɛ lara mo nna pɔɛŋ nseŋ to durnya ere, ama lalaloge be nchɛ ere to nɛ e lara mo ŋ ŋini ŋkpal menyi so.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.

1 Jɔn 2:22

Esa mo malɛ e baa la efɛpo nɛ mannɛ esa nɛ e bee kaŋɛ fanɛ mannɛ Yesu e la Kristo, Ebɔrɛ be esa laraso na. Loŋ be esa e la Kristo mo doŋ na, emo nɛ e bee kini Ebɔrɛ Etuto na nɛ Ebinyɛn na kikɛ na.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

1 Jɔn 4:3

Ama kiyoyu kama nɛ e maa ji Yesu be asheŋ be shɛda, loŋ be kiyoyu maŋ shi Ebɔrɛ kutɔ. Loŋ be kiyoyu na e la edoŋ na be kiyoyu mo nɛ men nu fanɛ e bee ba na. Mo e teŋ ba durnya ere to na.

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.

Juud 1:18

B daŋ kaŋɛ menyi fanɛ: “Lalaloge be nchɛ na kaŋ fo, basa beeŋ lar n wora menyi eyurto, basa nɛ baaŋ ba kaa bɛ bumo gbagba be kabɔrɛkiniso be ayɛlgasɔ lubiana so.”