1 Jɔn 2:17 - EBƆRƐ BE KAWƆL

¹⁷ Durnya ere malɛ nɛ kumo be ayɛlgasɔ kikɛ nyam bee choŋ nna, ama esa kama nɛ e bee wora Ebɔrɛ na be aparsheŋ bre wɔ ŋkpa to nna mbaanaayɔ.

1 Jɔn 2:17 ပူးပေါင်းရင်းမြစ်များ

Nshɛ 102:26

Amo kikɛ beeŋ choŋ fanɛ asɔbuuso ka wu na. Fee chɛrga amo nna fanɛ esa ka bee chɛrga mbe asɔbuuso dra nsaa kini amo na.

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Nshɛ 90:9

Anyi be nchɛ bee ku so nna ŋkpal fo agbo so, nfubel damta malɛ e bɔlɔ nfɛ nɛ anyee ji kikɛ to.

Aŋasa 10:25

Afugboŋ bee ba nna m ba kaa ber alubiworapoana a lɛ, ama beshenteŋjipo bre bee nya kumɔlga nna saŋkama.

Matiu 21:31

“To, mbia na be emo e wora kusɔ nɛ bumo tuto na bee sha?” Nɛ b yɛ: “Sososo peya na.” Nɛ Yesu kaŋɛ bumo le: “Kashenteŋ nɛ mee kaŋɛ menyi na fanɛ elamposɔpoana nɛ kesakaleawuraana bee baŋ menyi so nna a luri Ebɔrɛ be kuwura na to nna na.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Maak 3:35

Ŋkpal manɛ so, ekama nɛ e bee wora Ebɔrɛ be aparsheŋ e la n sipo nɛ n sipoche nɛ n nio.”

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 6:58

Bodobodo nɛ k shi ebɔrɛso m ba na nde. An nananyɛnana daŋ we manna nna, ama b wu. Ama esa kama nɛ e we le be bodobodo beeŋ baa wɔ ŋkpa to hale mbaanaayɔ.”

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

1 Kɔrintebi 7:31

Bekama malɛ nɛ b wɔ durnya ere to be asɔ be asheŋ woraso to, b baa wora amo ŋkaa maa shin nɛ amo be asheŋ e bɔlɔ bumo to, ŋkpal manɛ so, durnya ere be kananɛ k du ere bee choŋ nna na.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Tɛsalɔnikaebi 4:3

Ebɔrɛ be kusɔ nɛ e bee sha nde: E bee sha men ka bee gelge abojuasheŋ nna nɛnɛ a du cheembi.

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.

Hibruwebi 10:36

A daga fanɛ men baa kɔ kanyiti a kɔ to n tiŋ n wora Ebɔrɛ be aparsheŋ n nya kusɔ nɛ Ebɔrɛ nase kɔnɔ fanɛ e beeŋ sa na.

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.