1 Jɔn 2:16 - EBƆRƐ BE KAWƆL

¹⁶ Ŋkpal manɛ so, asɔ nɛ a la durnya ere to be asɔ fanɛ asɔ nɛ dimɛdi be kapɔr lubi ere bee sha nɛ asɔ nɛ basa bee wu nsaa yɛlga nɛ durnya ere to be kamoowusheŋ kikɛ nyam maŋ shi Etuto na kutɔ, a la durnya ere to be asɔ nna.

1 Jɔn 2:16 ပူးပေါင်းရင်းမြစ်များ

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Nshɛ 73:6

Amoso kamoowu ki fanɛ kubɔtoshembi ashi bumo be ebɔ to nna, nɛ kebaanyaŋɛto a wora asheŋ malɛ ki fanɛ bumo be asɔbuuso.

Nshɛ 78:18

B daŋ kute nna n wora Ebɔrɛ ŋ keni; jemanɛ nɛ b daa yil mo so fanɛ e sa bumo ajibi nɛ b daa sha ga na.

Nshɛ 78:30

Ama b daa maŋ naŋ nya amo n we bumo be keparso gba, a kraa wɔ bumo be nnɔ to nna

Aŋasa 27:20

Kananɛ luwu nɛ nchaŋ maa moɛ na, aloŋ nɛ dimɛdi maa nya asɔ a moɛ.

Aŋasa 6:25

Sa maŋ kpal loŋ be beche be kebita so n yɛlga bumo; ŋko n shin nɛ bumo be kayɛlga so be kekeni fo, e shin nɛ fo sha bumo.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Nɔmbɛs 11:34

Ndoŋ nna nɛ b nase kakpa nɛ b puli basa nɛ kulɔ be aleblawu na mɔ na Kibrɔf Hataava. Kumo be kifito e la bejibishapo be nchaŋana.

Nɔmbɛs 11:4

Kachako nɛ befɔ nɛ b daŋ tu Israɛlebi na a yɔ na fara a yɛlga ajibi ko kenishipereso, ndoŋ nna nɛ Israɛlebi na gba fara a fubel a bile asheŋ a kaŋɛ le: “Anyi maŋ nya eblaŋ kikɛ nɛ an we!

Matiu 4:8

Ndoŋ nna nɛ alubipo na naŋ shin nɛ b ya dii kebee jeŋgreŋ ko so n yili nɛ e ŋini Yesu durnya ere to be kuwurjiana kikɛ nyam nɛ amo be kemaŋkura

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Luuk 4:5

Nɛ alubipo na naŋ shin nɛ b ya dii kakpa jeŋgreŋ ko so n yili nɛ e ŋini Yesu durnya ere to be kuwurjiana kikɛ nyam epul na to nseŋ kaŋɛ mo le:

Romebi 13:14

Ama men ta Enyɛnpe Yesu Kristo be akɔsɔ na a kuŋ menyi be amu fanɛ asɔbuuso na nseŋ yige kebaade menyi be kapɔr lubiana ere be aparsheŋ so nɛ a sa maŋ kaŋ shin nɛ menyi be ayɛlgasɔ e ka menyi to.

1 Kɔrintebi 10:6

To, le be asheŋ ere kikɛ la asɔ nɛ a bee ŋini anyi asɔ ko nna a fiɛ anyi so nɛ an sa maŋ kaa ta anyi be ŋgbene a deŋi alubi so fanɛ kananɛ b daŋ wora na.

Galeeshaebi 5:17

Ŋkpal manɛ so, kapɔr lubi ere be ayɛlgasɔ maa kukwe Kiyoyu na be ayɛlgasɔ nɛ Kiyoyu na malɛ be ayɛlgasɔ maa kukwe kapɔr lubi ere be ayɛlgasɔ. Loŋ be asɔ anyɔ na la bedoŋ nna nɛ kumo alɛ bee ŋini fanɛ men maaŋ tiŋ n wora kusɔ kama nɛ menyee sha.

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 3:15

Mannɛ ebɔrɛso nɛ loŋ be kanyiasheŋ shi, durnya ere to nɛ k shi a la basa be nfɛra lubiana be asheŋ nɛ a shi ayoyu lubi kutɔ.

Jeems 4:16

Ama menyi ka maa kaŋɛ loŋ ere, menyee wu men be amu nna na nsaa ji njɔŋ. Loŋ malɛ maŋ walɛ.

Joshuwa 7:21

n daŋ wu Babilɔnebi be piŋi lela ko, nɛ gbiti nɛ kumo be egbɛ sa fanɛ kilo anyɔ, nɛ shuwa fanɛ kilo be bargato ka wɔ asɔ nɛ an suge na to nna nɛ amo be asheŋ par ma alegaiso nɛ n ta amo n ya puli ma wajɛbu to. Gbiti na e wɔ kaseto.”

1 Pita 1:14

Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

2 Pita 2:10

fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.