1 Jɔn 1:8 - EBƆRƐ BE KAWƆL

⁸ Nɛ an baŋ kaŋɛ fanɛ an maŋ kɔ kulubi bre, anyee fule anyi be amu nna nɛ kashenteŋ malɛ maŋ wɔ anyi to kuraa.

1 Jɔn 1:8 ပူးပေါင်းရင်းမြစ်များ

1 Bewura 8:46

Ekama bee wora alubi, amoso hale nɛ fo basa wora alubi ŋ gbiti fo nɛ fo nya agbo n wɔtɔ bumo nseŋ ta bumo m bɔɔ bumo doŋana enɔ nɛ b pɛ bumo n yɔ efuli pɔtɛ wɔfɔ so gba,

2 Bewura 20:15

Nɛ Aizaaya naŋ bishi mo le: “Nɛ manɛ nɛ b wu ewurkpa nfe?” Nɛ ewura na kaŋɛ: “B wu kusɔ kama nɛ k wɔ nfe. Shɛŋ maŋ naŋ ka a wɔ nfe nɛ m maŋ ta ŋ ŋini bumo.”

2 Kronikɛls 6:36

Ekama bee wora alubi, amoso hale nɛ fo basa wora alubi ŋ gbiti fo nɛ fo nya agbo n wɔtɔ bumo nseŋ ta bumo m bɔɔ bumo doŋana enɔ nɛ b pɛ bumo n yɔ efuli pɔtɛ nɛ k wɔ kufɔ so gba,

Job be kawɔl 14:4

Dimɛdi kikɛ maŋ wɔtɔ nɛ kulubi maŋ wɔ mo to.

Job be kawɔl 15:14

Dimɛdi kikɛ maŋ wɔtɔ nɛ e maŋ wora kulubi nsaa la esa niŋiso Ebɔrɛ be anishito.

Job be kawɔl 25:4

Esa kikɛ maaŋ tiŋ ŋ kaŋɛ fanɛ mo ere maŋ wora n jija Ebɔrɛ be anishito.

Job be kawɔl 9:2

“Kashenteŋ nɛ fo ji. Dimɛdi kikɛ maaŋ tiŋ n ji n lar Ebɔrɛ be anishito.

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Aŋasa 20:9

Wanɛ e naŋ tiŋ m puchi ŋ kaŋɛ fanɛ mbe nfɛra walɛ nɛ e maŋ wora kulubi?

Kaŋinichiŋgeliŋ 7:20

Esa kama maŋ wɔ durnya ere to nɛ e niŋi n ya loge nsaa maa wora a foe.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Jɛremaya 2:35

a le nɛ menyee kaŋɛ: ‘Anyi maŋ wora kulubi kikɛ. Enyɛnpe Ebɔrɛ na malɛ maŋ nya agbo n wɔtɔ anyi.’ Amoso meeŋ gberge menyi kusoe ŋkpal men ka chɛ fanɛ menyi maŋ wora kulubi so.

Levitikɔs 13:12

Nɛ fanɛ eyur so be kulɔ na salga to n sɔ esa na be eyur so kikɛ nna,

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Romebi 3:10

Loŋ malɛ nɛ abɔrɛsibɛ na bee kaŋɛ na fanɛ: “Elelapo kikɛ maŋ wɔtɔ Ebɔrɛ be anishito, hale ekoŋwule gba maŋ wɔtɔ.

Romebi 3:23

Ŋkpal manɛ so, ekama nyam wora kulubi a maŋ taga to Ebɔrɛ be kemaŋkura na.

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

2 Pita 2:13

Tɔrɔ mo nɛ baa bar ere, Ebɔrɛ beeŋ ta tɔrɔ ŋ ka bumo. Kusɔ nɛ k la ebel bumo kutɔ e la kewora kusɔ kama nɛ bumo be eyurana bee sha kapaso parr. Bumo be asheŋ la anishinyɔr nɛ ŋaba nna nɛ baa tu menyi a ji a wɔtɔ a nu bumo be kafulesheŋ be ebel na.

1 Jɔn 1:10

Nɛ an baŋ kaŋɛ fanɛ an maŋ wora alubi bre, kumo ere anyee tre Ebɔrɛ efɛpo nna na nɛ mbe kamalga na malɛ maŋ wɔ anyi to.

1 Jɔn 1:6

To, nɛ anyee kaŋɛ fanɛ anyi nɛ Ebɔrɛ kɔ kɔnɔkoŋwule be kebaawɔtɔ nsaa na tentembiri to, efɛ nɛ anyee ku na, anyi alɛ nsaa maŋ naa wɔ kashenteŋ be kebaawɔtɔ to.

1 Jɔn 2:4

Esa kama nɛ e bee kaŋɛ fanɛ: “Ma ere nyi mo,” mo alɛ nsaa maa bɛ Ebɔrɛ na be mmalga naseso so, amodoŋwura la efɛpo nna nɛ kashenteŋ na malɛ maŋ wɔ mo to.

1 Jɔn 4:20

Esa kama nɛ e bee kaŋɛ le: “Mee sha Ebɔrɛ,” mo alɛ nsaa kishi mo niopibi la efɛpo nna, ŋkpal manɛ so, esa nɛ e bee wu mo niopibi ŋkaa maaŋ tiŋ n sha mo, maaŋ tiŋ n sha Ebɔrɛ mo nɛ e maŋ naŋ wu kikɛ na.

2 Jɔn 1:2

ŋkpal kashenteŋ be keŋini na ka wɔ anyi to, kumo alɛ ŋkaa beeŋ shir a wɔ anyi to mbaanaayɔ na so.

3 Jɔn 1:3

Bekurgepo ko ka ba kaŋɛ ma kananɛ fo kɔ kagbene koŋwule a bɛ kashenteŋ be keŋini na so nɛ kananɛ fo baa wɔ kashenteŋ na be kebaawɔtɔ to, ma kagbene fuli ma ga.