1 Jɔn 1:7 - EBƆRƐ BE KAWƆL

⁷ Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

1 Jɔn 1:7 ပူးပေါင်းရင်းမြစ်များ

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Nshɛ 56:13

Ŋkpal manɛ so, fo mɔlga ma ashi luwu to, a maŋ shin nɛ n fiti n tɔr. Amoso meeŋ baa wora fo aparsheŋ nsaa na fo kefulto nɛ k bee yɛra esa ŋkpa to na to.

Nshɛ 89:15

O Enyɛnpe Ebɔrɛ, kagbenefuli la bekama nɛ baa bugi ŋgbene to a bunyaŋ fo nsaa wɔ fo kefultogboŋ na to na peya nna.

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Aizaaya 2:5

Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 6:7

beta ma kɔnɔpurbi nseŋ kaŋɛ le: “Kede beta fo kɔnɔpurbi nna na. Fo nya alubi be ketampaŋ nsaa maŋ naa la esa nɛ e wora n jija nna na.”

Eemɔs 3:3

Fo daŋ wu basa anyɔ ka bee sha k tu abar n yɔ kade nɛ b maŋ kaŋɛ abar n yili a?

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Baru lela nɛ Jɔn kute na 12:35

Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

Baru lela nɛ Jɔn kute na 5:4

[Ŋkpal manɛ so, Enyɛnpe be malaika daa ba saŋko saŋko nna m ba kaa baga nchu na to. Kebagato na malɛ be kaman elɔpo kama daŋ baŋ juŋkpar n luri nchu na to, amodoŋwura be kulɔ kama nɛ k daa kɔ mo beeŋ lar mo to.]

Romebi 13:12

Kanyɛ na biri n chɛr ga, naniere a ka gbrɛ nɛ kare e chɛ. Amoso, men shin nɛ an yige tentembiri to be ashuŋ shunso n lɛ nseŋ ta akɔsɔ na a wɔ kefulto to a kɔ.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

1 Jɔn 1:5

Baru mo nɛ an nu ashi Ebɔrɛ Pibinyɛn na kutɔ nsaa bɔ kumo a sa menyi na nde fanɛ Ebɔrɛ la kefulto nna nɛ tentembiri malɛ kikɛ maŋ wɔ mo to kuraa.

1 Jɔn 5:6

Yesu ere e la emo nɛ e daŋ yili kabɔrɛbɛr be nchu nɛ mbe luwu be ŋklaŋ so m ba na. Mannɛ nchu na malɛ nawule so nɛ e daŋ yili so m ba, nchu na nɛ ŋklaŋ na kikɛ so nɛ e daŋ yili so m ba.

1 Jɔn 5:8

Eshɛdajipo asa e wɔtɔ. Kiyoyu na wɔtɔ nɛ nchu na wɔtɔ nɛ ŋklaŋ na gba wɔtɔ. Kɔnɔkoŋwule nɛ amo alɛ kikɛ kɔ.

2 Jɔn 1:4

Kowurche, ŋ ka pin fanɛ fo mbia ko wɔ kashenteŋ be kebaawɔtɔ na to fanɛ kananɛ Ebɔrɛ Etuto na nase na, ma kagbene fuli ma paa.

3 Jɔn 1:4

Shɛŋ shɛŋ maa fuli ma kagbene a chɔ kebaanu fanɛ ma mbia wɔ kashenteŋ na be kebaawɔtɔ na to.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.