Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrintebi 9:26 - EBƆRƐ BE KAWƆL

26 Amoso, m maa shile chamcham nna fanɛ esa nɛ e maŋ nyi kakpa nɛ e bee yɔ. M maa bile kolu nna fanɛ esa nɛ e bee too enɔ to a wɔtɔ afu to na nna.

အခန်းကိုကြည့်ပါ။ ကော်ပီ




1 Kɔrintebi 9:26
17 ပူးပေါင်းရင်းမြစ်များ  

Yili jemanɛ nɛ Jɔn kabɔrɛbɛrpo bɔ mbe kubɔya na m ba fo mbre, Ebɔrɛ be kuwura na baa nya eleŋ nna ga a yɔ anishito nɛ belempo ko malɛ gba baa wora ania ga a fin kesuge kumo.


Nɛ e kaŋɛ bumo: “Men wora ania ga m bɔla kabunabi na to n luri, ŋkpal manɛ so, basa damta beeŋ wora ania nɛ b luri, ama b maaŋ tiŋ.


To, loŋ nɛ k du n sa menyi. Nɛ men baa maŋ gbar ŋgbar mo nɛ basa bee nu, nuso nɛ esa beeŋ wora m pin kusɔ nɛ menyee kaŋɛ? Nɛ b baa maa pin amo to, kumo ere fee malga a sa afu nna na.


Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.


Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.


N daŋ yɔ nna, ŋkpal manɛ so, Ebɔrɛ e daŋ lara ŋ ŋini ma fanɛ n yɔ. Bumo nɛ b daa la fanɛ benimuana na nɛ n daŋ shɛr wulo to ŋ kaŋɛ bumo baru lela nɛ mee malga a sa nnyamase na be asheŋ, ŋkpal manɛ so, n daa maa sha fanɛ kushuŋ nɛ n fara na e to jiga nɛ kananɛ ŋ kraa wɔ kumo to ere malɛ gba maaŋ baa la kusɔ jiga.


Ŋkpal manɛ so, mannɛ anyi nɛ edimɛdi e naa kɔ, ama anyi nɛ esoso be kenimujipoana nɛ bejuŋkparpoana nɛ tentembiri to be durnya ere to be eleŋana nɛ esoso be ayoyu lubiana e naa kɔ.


Ŋkpal manɛ so, ma ere kutɔ n wɔ ŋkpa ere to nna ŋkpal Kristo so, nɛ ma alɛ naaŋ wu nna, luwu na la nɛfa nna.


Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.


Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.


Eshilepo kama malɛ nɛ e maa bɛ eshile na be mbraana so maaŋ tiŋ n ji shɛŋ eshile na to.


Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.


To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.


Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.


To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.


Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.


E daŋ wora le nna nɛ e ŋini Israɛlebi be kenana kama kena be asheŋ, fɔŋfɔŋ bumo nɛ b maŋ naŋ kɔ kena ŋ ku so na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ