1 Kɔrintebi 9:19 - EBƆRƐ BE KAWƆL

¹⁹ N wɔ ma kumu nna a maŋ la esa kikɛ be kenya, ama n ta ma kumu nna ŋ ki kenya a sa ekama, saŋɛ na so meeŋ nya basa damta n ti so nɛ b ba pin Ebɔrɛ.

1 Kɔrintebi 9:19 ပူးပေါင်းရင်းမြစ်များ

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Matiu 18:15

Nɛ fo kurgepo baŋ wora kulubi n da fo so, yɔ mo kutɔ n ya kaŋɛ mo mbe kulubi na fo nɛ mo nawule. Nɛ e baŋ nu n sa fo, kumo ere fo naŋ nya fo kurgepo m mata fo kumu nna na.

Romebi 1:14

Ŋkpal manɛ so, k du fanɛ ŋ ka ji Griikebi nɛ basa bubɔrɔ nɛ benyiashempo nɛ bewulpo kikɛ abɔrɛsheŋ be keŋini be kukɔ nna.

Romebi 11:14

Shere mee wora loŋ, meeŋ tiŋ n shin nɛ kayɛlga e pɛ ma basa nɛ loŋ e tiŋ n shin nɛ bumo be beko e nya kumɔlga.

Romebi 15:2

Anyi be ekama e baa wora mo braana bebɛsopo asheŋ lela nɛ a bee par bumo nɛ loŋ e tiŋ n sa bumo eleŋ nɛ k beeŋ yɛr bumo anishito ashi yirda na to.

1 Kɔrintebi 10:29

Esa nɛ e kaŋɛ fo na be shika nɛ n de na, mannɛ fo alɛ gbagba peya, ŋkpal manɛ so, manɛ so nɛ mee shin nɛ esa pɔtɛ be shika be nfɛra bee keni ma kamooji be asheŋ to?

1 Kɔrintebi 10:33

Kusɔ nɛ ma ere bee wora nde: Kusɔ kama nɛ mee wora, mee wora ania nna nɛ k par ekama ŋkaa maa fɛ ŋ gbagba be kumu so so, ekama be kumu so nɛ mee wora loŋ, saŋɛ na so baaŋ nya kumɔlga.

1 Kɔrintebi 7:16

Eche kilpo mo nɛ e la eyirdapo, nuso nɛ feeŋ wora m pin fanɛ mannɛ fo so nɛ fo kul beeŋ bɔla n nya kumɔlga? Ŋko fo, ekul mo nɛ fo la eyirdapo ere, nuso nɛ feeŋ wora m pin fanɛ mannɛ fo so nɛ fo eche beeŋ bɔla n nya kumɔlga?

1 Kɔrintebi 9:1

Men shin nɛ an bishi menyi kusɔ ko. M maŋ wɔ ma kumu nna a? Mannɛ eshuŋipo e la ma a? M maŋ naŋ wu an Nyɛnpe Yesu nna a? Mannɛ menyi e la kushuŋ nɛ mee shuŋ a sa Enyɛnpe na be tɔɔnɛ a?

2 Kɔrintebi 12:14

Ma keba mo nɛ n wora shiriya nɛ m ba bɔɔ menyi so ere e naa ti ma kela sasopo so, ma alɛ maa ba nna nɛ m ba kaa dese menyi so. Ŋkpal manɛ so, mannɛ menyi be asɔ nɛ mee sha, menyi gbagba nɛ mee sha, ŋkpal manɛ so, mannɛ mbia e naa ji a ka a yili bumo nawuraana, ama bumo nawuraana bre e naa ji a ka a yili bumo.

2 Kɔrintebi 4:15

Menyi alɛ be kechɛto so nɛ ade malɛ kikɛ du loŋ na, saŋɛ na so Ebɔrɛ malɛ be kuwɔr be kakɛ beeŋ baa salga to a tu basa damta a ti so nɛ b baa kɔ kechɔrɔ be kabɔrɛkule damta a ti so a sa Ebɔrɛ nɛ e nya kemaŋkura.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

1 Timoti 4:16

Baa de so a keni fo kumu nɛ fo abɔrɛsheŋ be keŋini na so nɛnɛ. Baa wora asɔ ere, ŋkpal manɛ so, loŋ e naaŋ mɔlga fo nɛ bumo nɛ baa nu fo mmalga na.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

1 Pita 3:1

Beche, menyi alɛ gba e baa nu a sa men kulana, saŋɛ na so nɛ bumo be ekama maŋ yirda kamalga na, nɛ men maŋ malga n sa bumo gba, baaŋ wu men be kebaawɔtɔ nseŋ ba yirda.