1 Kɔrintebi 9:15 - EBƆRƐ BE KAWƆL

¹⁵ Ama ma alɛ daa maŋ ŋini ekpa nɛ ŋ kɔ ana ere be kekama, ma alɛ maŋ naa sibɛ naniere nna a sa menyi nɛ n nya loŋ be kechɛto na. Cha, nɛ n wu gba k bɔ ŋ ka shin nɛ esa e nya ekpa m mɔn ma ashi kepuchi to.

1 Kɔrintebi 9:15 ပူးပေါင်းရင်းမြစ်များ

Matiu 18:6

Nɛ ekama malɛ nɛ e shin nɛ le be mbibi nɛ b yirda ma ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo gboŋgboŋi n chɛ n shiga mbe kubɔ to nseŋ ta mo n lɛ n wɔtɔ teku be kaboŋ chiŋgeliŋ to nɛ e ji nchu.

Ashuŋ Shunso 18:3

Ndoŋ nna nɛ Pɔɔl ya chɔrɔ bumo nseŋ shir bumo pe a wɔtɔ a baa ewajɛbu a fa a nya amansherbi a tɔ mbe asɔ jiso fanɛ kananɛ bumo gbagba daa wora na.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 20:33

M maŋ yɛlga esa kama be gbiti ŋko shuwa ŋko asɔbuuso.

Ashuŋ Shunso 20:34

Menyi gbagba nyi fanɛ ma enɔana ere nɛ n daŋ ta n shuŋ n nya asɔ nɛ a daga fanɛ ma nɛ m braana na e nya.

Ashuŋ Shunso 8:3

Ama Sɔɔl malɛ daa kɔ a fin kemur beyirdapoana na kikɛ nna nyam. E daa nite basa peana nna a nyaŋ beyirdapoana na, benyɛn nɛ beche kikɛ a lar n ya kaa ti ebu.

1 Kɔrintebi 4:12

Anyi gbagba be enɔana nɛ an kɔ a shuŋ ga. Basa baŋ so anyi kɔnɔ, anyee nɛfa bumo nna, b baŋ tɔrɔ anyi, anyee ji kumo be loŋ be kanyiti nna.

1 Kɔrintebi 9:12

Nɛ beko baa kɔ ekpa fanɛ b baa nya le be kechɛto ashi menyi kutɔ, a maŋ daga fanɛ an baa kɔ loŋ be ekpa a chɔ bumo a? Ama anyi alɛ daa maŋ ŋini loŋ be ekpa nɛ an kɔ na. An daŋ ji kanyiti ashi kusɔ kama to nna, saŋɛ na so anyi maaŋ shin nɛ shɛŋ shɛŋ e kagle Kristo be baru lela na ekpa.

1 Kɔrintebi 9:18

To, nɛ manɛ e la ma tɔɔnɛ? Kumo nde jia: Mee bɔ kubɔya na nna nɛ n tiŋ n ta kumo n sa basa ŋkaa maaŋ sɔ bumo shɛŋ, saŋɛ na so m maaŋ ta ekpa mo nɛ ŋ kɔ ana ere a ji ashi kushuŋ na to.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

2 Tɛsalɔnikaebi 3:8

An daa maŋ ji ekama be kejibi a maŋ ka mo, ama kapa nɛ kanyɛ an daa mɔ an be amu nna a shuŋ nɛ an sa maŋ bɔ ekama kukɔ.