1 Kɔrintebi 9:14 - EBƆRƐ BE KAWƆL

¹⁴ To, loŋ koŋwule na nna nɛ Enyɛnpe nase kumo fanɛ a daga fanɛ bumo nɛ baa bɔ Baru Lela na e baa nya bumo be kusɔ jiso ashi baru lela na be kebɔ to.

1 Kɔrintebi 9:14 ပူးပေါင်းရင်းမြစ်များ

Matiu 10:10

Men sa maŋ ta ekɔlgu n lar ekpa na to ŋko nle anyɔnyɔ ŋko asɛbta nyɔsopoana ŋko akpabiana n ti men be amu so n yɔ. A daga eshumpo ka nya mbe keji mbe kushuŋ to.

Luuk 10:7

Men baa wɔ laŋ na to a ji a nuu kusɔ kama nɛ b sa menyi, ŋkpal manɛ so, a daga eshumpo ka nya mbe kakɔka. Men sa maŋ ya kaa chɛrga elaŋ.

Luuk 10:8

Kade kama to nɛ men yɔ nɛ b sɔ menyi, men ji kusɔ kama nɛ b sa menyi

Ashuŋ Shunso 18:3

Ndoŋ nna nɛ Pɔɔl ya chɔrɔ bumo nseŋ shir bumo pe a wɔtɔ a baa ewajɛbu a fa a nya amansherbi a tɔ mbe asɔ jiso fanɛ kananɛ bumo gbagba daa wora na.

1 Kɔrintebi 4:15

Kashenteŋ nna fanɛ hale nɛ men kɔ basa nɛ baa ŋini menyi Kristo be asheŋ damta fanɛ kagboŋ gba, menyi maŋ kɔ betuto damta bre, ŋkpal manɛ so, Kristo Yesu to, ma e daŋ bɔla baru lela na so ŋ ki menyi tuto.

1 Kɔrintebi 9:11

Nɛ an bar abɔrɛsheŋ m baa wɔtɔ menyi to fanɛ kananɛ eduupo bee duu asɔ duuso na, k la tɔrɔ gboŋgboŋi nna ga fanɛ an nya asɔ ashi menyi kutɔ a?

1 Kɔrintebi 9:12

Nɛ beko baa kɔ ekpa fanɛ b baa nya le be kechɛto ashi menyi kutɔ, a maŋ daga fanɛ an baa kɔ loŋ be ekpa a chɔ bumo a? Ama anyi alɛ daa maŋ ŋini loŋ be ekpa nɛ an kɔ na. An daŋ ji kanyiti ashi kusɔ kama to nna, saŋɛ na so anyi maaŋ shin nɛ shɛŋ shɛŋ e kagle Kristo be baru lela na ekpa.

1 Kɔrintebi 9:16

Ama m maŋ kɔ ekpa bre nɛ ŋ kpal ŋ ka bee bɔ Baru Lela na so m puchi, ŋkpal manɛ so, k la katiŋ nna fanɛ m bɔ Baru Lela na. Nɛ ma alɛ maŋ bɔ Baru Lela na, asheŋ maaŋ nyalɛ n sa ma kikɛ.

1 Kɔrintebi 9:4

Anyi maŋ kɔ ekpa fanɛ basa e sa anyi ajibi nɛ asɔnuuso nna ŋkpal anyi be kushuŋ ere so a?

2 Kɔrintebi 2:12

Ŋ ka daŋ ba Trowas be kade to nɛ m ba bɔ Kristo be baru lela na, n wu fanɛ kashenteŋto Enyɛnpe bugi kushuŋ na be ekpa.

Galeeshaebi 6:6

Ekama nɛ e bee nya abɔrɛsheŋ na be keŋini malɛ gba e baa kɔ mbe asɔ lela be ako a chɛ mbe eŋinipo na to.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.