1 Kɔrintebi 9:12 - EBƆRƐ BE KAWƆL

¹² Nɛ beko baa kɔ ekpa fanɛ b baa nya le be kechɛto ashi menyi kutɔ, a maŋ daga fanɛ an baa kɔ loŋ be ekpa a chɔ bumo a? Ama anyi alɛ daa maŋ ŋini loŋ be ekpa nɛ an kɔ na. An daŋ ji kanyiti ashi kusɔ kama to nna, saŋɛ na so anyi maaŋ shin nɛ shɛŋ shɛŋ e kagle Kristo be baru lela na ekpa.

1 Kɔrintebi 9:12 ပူးပေါင်းရင်းမြစ်များ

Jɛnesis 24:56

Nɛ Eebraham be kayɛrbi na kaŋɛ bumo le: “Men sa maŋ shin nɛ n chɛr nfe, ŋkpal manɛ so, Enyɛnpe Ebɔrɛ na teŋ sa ma kumulela ashi ma enite ere to. Men sa ma ekpa nɛ n yɔ n nyɛnpe kutɔ.”

Nehemaya 4:8

nseŋ daŋ kre fanɛ baaŋ bar kebagato nseŋ kɔ Jerusalɛmebi na.

Luuk 11:52

Mbraŋinipoana, asheŋ maaŋ nyalɛ n sa menyi, ŋkpal manɛ so, men ta kashenteŋ be kepin na be ekpa ŋ ŋana basa so, menyi alɛ gbagba maŋ bɛ loŋ be ekpa na so nseŋ naa kuŋ basa nɛ b daa sha kebɛ kumo so na ekpa.”

Ashuŋ Shunso 18:3

Ndoŋ nna nɛ Pɔɔl ya chɔrɔ bumo nseŋ shir bumo pe a wɔtɔ a baa ewajɛbu a fa a nya amansherbi a tɔ mbe asɔ jiso fanɛ kananɛ bumo gbagba daa wora na.

Romebi 15:22

Ade so nɛ m maŋ nya ekpa ale damta nɛ m ba menyi kutɔ na.

1 Kɔrintebi 13:7

Kasha wɔ esa to e maa gben a yige kusɔ kama to, e bee yirda kusɔ kama nna a tama kusɔ kama nsaa yil to kanyitiso malɛ saŋkama.

1 Kɔrintebi 6:7

Men ka baa kɔ asheŋ menyi to ere e naa ŋini fanɛ men tɔr kashenteŋto pasaa. Men daa maaŋ tiŋ n shuli kejija nna n sa abar ŋkaa maaŋ yɛr abar demujikpa a? Keshuli n shin nɛ b puni menyi maŋ bɔ keyɛr abar demujikpa a?

1 Kɔrintebi 9:14

To, loŋ koŋwule na nna nɛ Enyɛnpe nase kumo fanɛ a daga fanɛ bumo nɛ baa bɔ Baru Lela na e baa nya bumo be kusɔ jiso ashi baru lela na be kebɔ to.

1 Kɔrintebi 9:15

Ama ma alɛ daa maŋ ŋini ekpa nɛ ŋ kɔ ana ere be kekama, ma alɛ maŋ naa sibɛ naniere nna a sa menyi nɛ n nya loŋ be kechɛto na. Cha, nɛ n wu gba k bɔ ŋ ka shin nɛ esa e nya ekpa m mɔn ma ashi kepuchi to.

1 Kɔrintebi 9:16

Ama m maŋ kɔ ekpa bre nɛ ŋ kpal ŋ ka bee bɔ Baru Lela na so m puchi, ŋkpal manɛ so, k la katiŋ nna fanɛ m bɔ Baru Lela na. Nɛ ma alɛ maŋ bɔ Baru Lela na, asheŋ maaŋ nyalɛ n sa ma kikɛ.

1 Kɔrintebi 9:18

To, nɛ manɛ e la ma tɔɔnɛ? Kumo nde jia: Mee bɔ kubɔya na nna nɛ n tiŋ n ta kumo n sa basa ŋkaa maaŋ sɔ bumo shɛŋ, saŋɛ na so m maaŋ ta ekpa mo nɛ ŋ kɔ ana ere a ji ashi kushuŋ na to.

1 Kɔrintebi 9:2

Nɛ m maŋ la beko be eshuŋipo gba, emɔrɔ maŋ wɔtɔ fanɛ n la menyi alɛ be eshuŋipo. Ŋkpal manɛ so, menyi e la ma kebaa la eshuŋipo be tɔɔnɛ ashi Enyɛnpe na to.

2 Kɔrintebi 11:12

Ma alɛ beeŋ baa kraa wɔtɔ a wora asɔ nɛ mee wora ere, saŋɛ na so, meeŋ kuŋ bumo nɛ baa fin ekpa nɛ b puchi ŋ kaŋɛ fanɛ anyi nɛ bumo bee shuŋ nna a sasa na ekpa.

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

2 Kɔrintebi 2:12

Ŋ ka daŋ ba Trowas be kade to nɛ m ba bɔ Kristo be baru lela na, n wu fanɛ kashenteŋto Enyɛnpe bugi kushuŋ na be ekpa.

2 Kɔrintebi 6:3

An maa sha esa kama ka wu anyi be kushuŋ ere kulubi, amoso, anyi maa sha keta shɛŋ shɛŋ ŋ kagle esa kama ekpa.