1 Kɔrintebi 7:34 - EBƆRƐ BE KAWƆL

³⁴ nɛ mbe nfɛra bee wora mo anyɔnyɔ. Eche nɛ e maŋ kɔ ekul ŋko eche mo nɛ e maŋ nyi enyɛn be nfɛra wɔ Enyɛnpe be asheŋ to so nna nɛ e bee fɛ kananɛ e beeŋ wora n wora a du cheembi ashi mbe eyur nɛ mbe kiyoyu to be asheŋ. Ama eche kilpo be nfɛra wɔ durnya ere to be asheŋ to so nna a fɛ kananɛ e beeŋ wora n wora mo kul be aparsheŋ.

1 Kɔrintebi 7:34 ပူးပေါင်းရင်းမြစ်များ

Baru lela nɛ Jɔn kute na 10:13

Amodoŋwura bee shile nna a yɔ a ka mbolpɔ na, ŋkpal manɛ so, b ber mo paa nna nɛ e bee keni amo so nɛ mbe shɛŋ maŋ wɔ amo to.

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

1 Kɔrintebi 7:33

Ama enyɛn mo nɛ e kɔ eche bre be nfɛra wɔ durnya ere to be asheŋ to so nna nɛ e bee fɛ kananɛ e beeŋ wora n wora mbe eche be aparsheŋ

1 Kɔrintebi 7:35

Men be kechɛto so so nɛ mee kaŋɛ asheŋ ere na, m maa sha fanɛ n nyaŋ menyi nna. M baa sha fanɛ men baa wora asɔ nɛ a niŋi nsaa bɔla ekpa nna a kɔ kagbene koŋwule be kasha a shuŋ Enyɛnpe ŋkaa maŋ naŋ ka mba ko.

2 Kɔrintebi 11:28

Nɛ m maŋ naŋ ti asɔ ko gba n ti so, kachɛ kama be kafɔŋ nɛ ŋ kɔ a sa asɔriana kikɛ na shi ma so ga.

2 Kɔrintebi 8:16

Mee chɔrɔ Ebɔrɛ ga ŋkpal e ka ta kagbene koŋwule be kasha mo nɛ an kɔ a sa menyi na n wɔtɔ Taites be kagbene to so.

Filipaiebi 1:20

Kusɔ nɛ m baa sha ga nsaa tama e la fanɛ m maaŋ pɔ aba ashi ma kushuŋ to, ama saŋkama, fɔnfɔŋ naniere meeŋ baa kɔ kenyɛn nɛnɛ, saŋɛ na so nɛ n wu nna ŋko n wɔ ŋkpa to nna meeŋ ta ma eyur ere kikɛ m bar Yesu Kristo bunyaŋ.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

1 Timoti 3:5

Ŋkpal manɛ so, esa nɛ e maŋ nyi kananɛ e beeŋ keni mo gbagba be kowu to ebi so, nuso nɛ e beeŋ wora ŋ keni Ebɔrɛ be asɔri to ebi so?

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.