1 Kɔrintebi 7:32 - EBƆRƐ BE KAWƆL

³² Mee sha fanɛ men be ŋgbene e baa dese menyi nna. Enyɛn mo nɛ e maŋ kɔ eche be nfɛra wɔ Enyɛnpe be aparsheŋ to so nna nɛ e bee fɛ kananɛ e beeŋ wora n wora Enyɛnpe na be aparsheŋ.

1 Kɔrintebi 7:32 ပူးပေါင်းရင်းမြစ်များ

Nshɛ 55:22

Enyɛnpe Ebɔrɛ, an la fo basa nna nsaa kaŋɛ fo asheŋ nɛ a tir anyi. Fo alɛ maaŋ shin nɛ an kɔ n tɔr.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Maak 4:19

ama durnya ere to be kafɔŋ nɛ kumo be kemansherbisha nɛ ayɛlgasɔ kikɛ bee luri bumo to nna n sɔ kamalga na be kaboŋ nɛ b bɛ so ŋ gben.

Baru lela nɛ Jɔn kute na 10:13

Amodoŋwura bee shile nna a yɔ a ka mbolpɔ na, ŋkpal manɛ so, b ber mo paa nna nɛ e bee keni amo so nɛ mbe shɛŋ maŋ wɔ amo to.

1 Kɔrintebi 7:33

Ama enyɛn mo nɛ e kɔ eche bre be nfɛra wɔ durnya ere to be asheŋ to so nna nɛ e bee fɛ kananɛ e beeŋ wora n wora mbe eche be aparsheŋ

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.