1 Kɔrintebi 7:25 - EBƆRƐ BE KAWƆL

²⁵ To, naniere men shin nɛ an keni bumo nɛ b maŋ naŋ luri kakil to na be asheŋ to. Enyɛnpe maŋ ta kamalga naseso nɛ k bee yɔ bumo be kaplɛa so n sa ma, ama meeŋ kaŋɛ menyi kusɔ nɛ ma nɛ n la esa nɛ baaŋ tiŋ n yirda ŋkpal Enyɛnpe na be kuwɔr so na gbagba be nfɛra bee kaŋɛ ma.

1 Kɔrintebi 7:25 ပူးပေါင်းရင်းမြစ်များ

Nshɛ 78:63

Edɛ e daŋ mur bumo be mbrantiɛbia, nɛ bumo be besuŋgurbi maŋ nya benyɛn nɛ b kil.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

1 Kɔrintebi 4:2

Kusɔ nɛ k baŋ daga esa nɛ b ta nɛ e baa keni asɔ so e la fanɛ e sa maa lar mo nyɛnpe kaman.

1 Kɔrintebi 7:10

Le be mbra ere malɛ nɛ mee ta a sa kakilwuraana, mannɛ ma e naa sa bumo, Enyɛnpe e naa sa bumo, a maŋ daga fanɛ eche ka yige mo kul.

1 Kɔrintebi 7:12

Basa nɛ b ka malɛ kikɛ, le nɛ ŋ kɔ a kaŋɛ bumo, ma e naa kaŋɛ, mannɛ Enyɛnpe, fanɛ ekurgepo kama nɛ e kɔ eche mo nɛ e maŋ la eyirdapo, nɛ eche na bee sha mo nɛ mbe kebaawɔtɔ, ekurgepo na e sa maŋ kaŋ kini mo.

1 Kɔrintebi 7:28

Ama nɛ fo ta eche, mannɛ kulubi nɛ fo wora. Kasuŋgurbia kama malɛ nɛ e kil maŋ wora kulubi nna. Ama basa kama nɛ b luri kakil to beeŋ nya etɔrɔ ashi kebaawɔtɔ ere to, kumo alɛ be loŋ to nɛ mee sha kumɔlga menyi ashi to na.

1 Kɔrintebi 7:34

nɛ mbe nfɛra bee wora mo anyɔnyɔ. Eche nɛ e maŋ kɔ ekul ŋko eche mo nɛ e maŋ nyi enyɛn be nfɛra wɔ Enyɛnpe be asheŋ to so nna nɛ e bee fɛ kananɛ e beeŋ wora n wora a du cheembi ashi mbe eyur nɛ mbe kiyoyu to be asheŋ. Ama eche kilpo be nfɛra wɔ durnya ere to be asheŋ to so nna a fɛ kananɛ e beeŋ wora n wora mo kul be aparsheŋ.

1 Kɔrintebi 7:40

Ma ere kutɔ, nɛ e chena loŋ e beeŋ baa kɔ kagbenefuli a chɔ e ka naŋ kil, ma alɛ bee tama fanɛ ŋ kɔ Ebɔrɛ be Kiyoyu na.

1 Kɔrintebi 7:6

Asheŋ nɛ mee kaŋɛ ere maa ŋini fanɛ mee sa menyi mbra nna fanɛ men luri kakil to, ama m baa kaŋɛ nna fanɛ nɛ men wora loŋ, k maŋ lubi.

2 Kɔrintebi 11:17

Men baa nyi fanɛ kusɔ nɛ mee kaŋɛ naniere maŋ la kusɔ nɛ Enyɛnpe na bee kaŋɛ fanɛ ŋ kaŋɛ, ŋkpal manɛ so, mee puchi nna a malga fanɛ ewulpo.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.