1 Kɔrintebi 7:22 - EBƆRƐ BE KAWƆL

²² Ŋkpal manɛ so, ekama nɛ e daa la kenya pɔɛŋ nɛ Enyɛnpe tre mo la Enyɛnpe be esa sɔnyigeso nna. Nɛ ekama malɛ nɛ e daa wɔ mbe kumu pɔɛŋ nɛ Ebɔrɛ tre mo e ki Kristo be kenya nna na.

1 Kɔrintebi 7:22 ပူးပေါင်းရင်းမြစ်များ

Nshɛ 116:16

O Enyɛnpe Ebɔrɛ, n la fo kayɛrbi kashenteŋto nna; kananɛ n nio shuŋ fo na nɛ ma alɛ gba bee shuŋ fo na. Fo e mɔlga ma ashi luwu to.

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

1 Kɔrintebi 7:21

Fo daa la kenya nna pɔɛŋ nɛ Ebɔrɛ daŋ tre fo ŋko? Sa maŋ shin nɛ k tir fo. Ama nɛ fo nya fo kumu be kesɔnyige be ekpa bre, fo lar kenyaya na to.

1 Kɔrintebi 9:19

N wɔ ma kumu nna a maŋ la esa kikɛ be kenya, ama n ta ma kumu nna ŋ ki kenya a sa ekama, saŋɛ na so meeŋ nya basa damta n ti so nɛ b ba pin Ebɔrɛ.

1 Kɔrintebi 9:21

Nɛ ma nɛ bumo nɛ b maŋ wɔ anebi Mosis be mbra na to baa la n wɔtɔ nna fanɛ esa nɛ e maŋ wɔ mbra na to, mannɛ fanɛ m maa bɛ Ebɔrɛ be kɔnɔ so nna, n wɔ Kristo be mbra to nna, saŋɛ na so meeŋ nya bumo nɛ b maŋ wɔ mbra na to gba n wɔtɔ Yesu be kebɛso to n ti so.

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

Failimɔn 1:16

Naniere e maŋ naa la kenya, e chɔ kenya. E ki ma nɛ fo kikɛ be ekurgepo shaso naniere. Mee sha mo ga, ama kasha nɛ feeŋ baa kɔ a sa mo beeŋ baa shi a chɔ meya ere, ŋkpal manɛ so, e la fo kenya nna nseŋ naa yirda Enyɛnpe na.

1 Pita 2:16

Men baa wɔtɔ fanɛ basa nɛ b wɔ bumo be amu a ji, ama men sa maa kɔ loŋ be kamooji na a buu kulubi kama so. Men baa kɔ kebaawɔtɔ mo nɛ k du fanɛ Ebɔrɛ be anya peya a wɔtɔ.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.