1 Kɔrintebi 6:11 - EBƆRƐ BE KAWƆL

¹¹ Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

1 Kɔrintebi 6:11 ပူးပေါင်းရင်းမြစ်များ

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Aŋasa 30:12

Beko malɛ bee fɛ fanɛ baa wora asheŋ nɛ a niŋi nna ama alubi damta e bɔlɔ bumo to.

Aizaaya 1:16

Men fɔr menyi be eyurana so n nyalɛ so nseŋ yige asheŋ lubi nɛ mee wu menyi kaa bee wora na. Kashenteŋto, men yige alubi be kewora

Aizaaya 45:25

Ma, Enyɛnpe Ebɔrɛ na e naaŋ mɔlga Israɛl be basa kikɛ, nɛ bumo alɛ e maŋkura ma.”

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Levitikɔs 14:48

Ama bɔrɛmatapo na ka naŋ ya keni laŋ na jemanɛ nɛ b lɔŋɛ kumo n la na, n wu fanɛ kapuu na maŋ naŋ lar egbal na so, e beeŋ shin nɛ ekama e pin fanɛ k walɛ so daŋkare be ekpa so, ŋkpal manɛ so, kapuu na maŋ naa wɔ laŋ na to.

Levitikɔs 8:6

Kumo be kaman nɛ e shin nɛ Ɛɛrɔn nɛ mbe mbinyɛnsobi lar m ba yili anishito nɛ e shin nɛ b bɛr daŋkare be ekpa nɛ Enyɛnpe Ebɔrɛ ŋini bumo na so.

Matiu 20:4

Nɛ e kaŋɛ bumo: ‘Menyi alɛ gba e yɔ ma ndibi be kudɔ to n ya shuŋ nɛ ŋ ka menyi kanaŋkamaso nɛ k daga.’

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Baru lela nɛ Jɔn kute na 13:10

Nɛ Yesu kaŋɛ mo: “Esa nɛ e teŋ bɛr nchu maŋ naa bɛr ai, she mbe aya nawule nɛ e beeŋ fɔr so. Menyi alɛ nyalɛ so nna, ama mannɛ menyi kikɛ nyam bre e nyalɛ so.”

Baru lela nɛ Jɔn kute na 13:8

Ndoŋ nna nɛ Pita kaŋɛ: “Ayai, fo maa ba nɛ fo ba fɔr ma aya so kuraa.” Nɛ Yesu kaŋɛ mo: “Nɛ m baŋ maŋ fɔr fo so, ma nɛ fo maaŋ baa kɔ shɛŋ.”

Baru lela nɛ Jɔn kute na 5:4

[Ŋkpal manɛ so, Enyɛnpe be malaika daa ba saŋko saŋko nna m ba kaa baga nchu na to. Kebagato na malɛ be kaman elɔpo kama daŋ baŋ juŋkpar n luri nchu na to, amodoŋwura be kulɔ kama nɛ k daa kɔ mo beeŋ lar mo to.]

Ashuŋ Shunso 13:39

Men baa nyi fanɛ ekama nɛ e yirda mo, b sɔ mo ashi kulubi be yiri kikɛ to n yige.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Romebi 3:24

Ama ŋkpal Ebɔrɛ be kuwɔr be kakɛ nɛ esa maa wora shɛŋ nsaa nya na so, asheŋ naŋ nyalɛ n sa basa, ŋkpal kesɔnyige be ekpa nɛ b bɔla Yesu Kristo so m bugi na so.

Romebi 4:5

Ama esa nɛ e lara mbe yirda ashi mbe ashuŋ shunso to n lɛ nseŋ ta yirda na n deŋi Ebɔrɛ nɛ e bee shin nɛ alubiworapoana bee ji a lar mbe anishito na so, loŋ be yirda na beeŋ ki alelasheŋ Ebɔrɛ be anishito n sa mo.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 5:9

Ŋkpal manɛ so, naniere Kristo wu n shin nɛ an ji n lar Ebɔrɛ be anishito, amoso, mbe kumɔlga anyi kachako ashi Ebɔrɛ be agbo na bre to nɛ e maaŋ wora a?

Romebi 8:30

Amoso, Ebɔrɛ tre bumo nɛ e lara n yili na nna. Bumo nɛ e tre na malɛ kikɛ nɛ e shin nɛ b ji n lar. Bumo nɛ e shin nɛ b ji n lar malɛ kikɛ nɛ e shin nɛ mo nɛ bumo nya mbe kemaŋkura na.

Romebi 8:33

Nɛ wanɛ e naaŋ tiŋ n wu Ebɔrɛ be basa kulubi, ŋkpal manɛ so, Ebɔrɛ gbagba e kaŋɛ fanɛ b ji n lar.

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 12:2

Men nyi fanɛ saŋɛ nɛ men daa maŋ nyi Ebɔrɛ na, Setani e daŋ fuli menyi ekpa kama nɛ men daŋ bɔla so nɛ men bɛ agbir nɛ a la asɔ wuso na so.

Galeeshaebi 2:16

baa nyi fanɛ esa be kebaabɛ mbra na so maa shin nɛ Ebɔrɛ bee kaŋɛ fanɛ e ji n lar ama e bɔla Yesu Kristo so nna n yirda. Amoso, anyi alɛ gba ta anyi be yirda nna n deŋi Yesu so nɛ Ebɔrɛ e bɔla Kristo na so n shin nɛ an ji n lar, ama mannɛ ŋkpal anyi be kebaabɛ mbra na so so, ŋkpal manɛ so, kebaabɛ mbra na so maaŋ tiŋ n shin nɛ esa kikɛ e ji n lar Ebɔrɛ be anishito kikɛ.

Galeeshaebi 3:11

Kumo alɛ baŋ fuli nna a dese fanɛ esa kama maaŋ tiŋ m bɔla mbra na so n ji n lar Ebɔrɛ be anishito, ŋkpal manɛ so, abɔrɛsibɛ na bee kaŋɛ fanɛ, esa kama nɛ Ebɔrɛ kpal mbe yirda so n shin nɛ e ji n lar mo ere Ebɔrɛ be anishito na, beeŋ nya ŋkpa a wɔtɔ.

Galeeshaebi 3:24

Amoso, mbra na e daa wɔ anyi a ŋini anyi kebaawɔtɔ hale le pɔɛŋ nɛ Kristo ba, saŋɛ na so anyeeŋ bɔla yirda to n ji n lar Ebɔrɛ be anishito.

Galeeshaebi 3:8

Abɔrɛsibɛ na malɛ wu kumo nna n yili fanɛ Ebɔrɛ ka beeŋ kpal nnyamase be yirda so n shin nɛ b ji n lar mbe anishito so so nseŋ wule m bɔ baru lela na n sa Eebraham fanɛ: “Fo so nɛ Ebɔrɛ beeŋ bɔla n nɛfa durnya ere to ebi kikɛ.”

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

1 Jɔn 2:12

Ma mbi shasoana, mee sibɛ nna a sa menyi ŋkpal Ebɔrɛ ka ta menyi be alubi m paŋ menyi ŋkpal Yesu so na.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.