1 Kɔrintebi 5:11 - EBƆRƐ BE KAWƆL

¹¹ Kusɔ nɛ n daa de e la fanɛ men sa maŋ shin nɛ menyi nɛ esa kama nɛ e bee tre mbe kumu ekurgepo, mo alɛ nsaa wɔ kesakalea be kebaawɔtɔ to ŋko ŋkaa kɔ kejimuni ŋko emo nɛ e wɔtɔ a shuŋ agbir ŋko a na a tege basa ŋko emo nɛ e bee nuu nsa a boo ŋko emo nɛ e la eyu e baa kɔ kɔnɔkoŋwule be kebaawɔtɔ. Menyi nɛ loŋ be esa e sa maŋ bɔ enɔ n wɔtɔ kawie koŋwule to gba n ji.

1 Kɔrintebi 5:11 ပူးပေါင်းရင်းမြစ်များ

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 101:5

M maaŋ sa ekama nɛ e bee nite a ji basa be asheŋ ekpa nɛ e baa wora loŋ. Ma alɛ maaŋ sa kamoowuwura ŋko keŋkenshiwura kashuli kikɛ nɛ b baa du loŋ.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Matiu 18:17

Nɛ e baŋ kini kenu n sa bumo, kaŋɛ asɔriebi na kikɛ. Nɛ e baŋ kini kenu n sa bumo alɛ gba, kumo ere, fo shin nɛ e ki fanɛ kanyamase ŋko lamposɔpo fo kutɔ.

Matiu 23:25

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee fɔr mba nɛ nwiebi be mmanto nɛ amo be epun to bɔlɔ kasuge nɛ kejimuni be asɔ a yil.

Luuk 18:11

Ndoŋ nna nɛ Farisinyɛn na ya yili ŋ kule Ebɔrɛ ŋ kaŋɛ: ‘Ebɔrɛ, mee chɔrɔ fo ga fanɛ ma ere maŋ du fanɛ m braana a suge basa ŋko a la esa lubi ŋko a la esa nɛ e wɔtɔ a kɔ eche nsaa di beche jijiga ŋko a du fanɛ lamposɔpo nɛ e yil ere gba.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Ashuŋ Shunso 9:17

Ndoŋ nna nɛ Ananiyas yɔ kowu na to n ya ta mbe enɔana n deŋi Sɔɔl so nseŋ kaŋɛ: “Ekurgepo Sɔɔl, Enyɛnpe Yesu gbagba, emo nɛ fo wu ekpa to na e shuŋi ma. Mo e shuŋi ma nɛ fo naa tiŋ a wu nɛ Kiyoyu Cheeŋ na e tiŋ n luri fo to.”

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

1 Kɔrintebi 10:14

Amoso ma beshapo, men baa gelge kagbirshuŋ.

1 Kɔrintebi 11:21

ŋkpal manɛ so, men ka bee kaa ji na, ekama baa ji mo peya nna a maŋ naa jo esa kama. Amoso, beko wɔ akoŋ to nna nɛ beko malɛ nuu nsa m boo.

1 Kɔrintebi 5:13

Ebɔrɛ e naaŋ ji basa nɛ b maŋ wɔ asɔri na to demu. Kusɔ nɛ abɔrɛsibɛ na bee kaŋɛ e la fanɛ: “Men ju alubiworapo kama ashi menyi to.”

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

1 Kɔrintebi 6:6

Ama ekurgepo ko bee ta mo barkasa nna a yɔ demujikpa nɛ b ya yili basa nɛ b maa bɛ Yesu so na be anishito a?

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

1 Kɔrintebi 7:12

Basa nɛ b ka malɛ kikɛ, le nɛ ŋ kɔ a kaŋɛ bumo, ma e naa kaŋɛ, mannɛ Enyɛnpe, fanɛ ekurgepo kama nɛ e kɔ eche mo nɛ e maŋ la eyirdapo, nɛ eche na bee sha mo nɛ mbe kebaawɔtɔ, ekurgepo na e sa maŋ kaŋ kini mo.

1 Kɔrintebi 7:15

Ama nɛ fanɛ emo nɛ e maŋ yirda na gbagba lar bre, fo shin nɛ e baa yɔ. Loŋ be asheŋ na bre be mbra maa pɛ enyɛn mo nɛ e la eyirdapo ŋko eche mo nɛ e la eyirdapo. Ŋkpal manɛ so, Ebɔrɛ tre anyi nna nɛ an ba kaa wɔ kagbenewushi to.

1 Kɔrintebi 8:11

Saŋɛ na so, fo kanyiasheŋ na beeŋ shin nɛ epɔsopo na, fo niopibi mo nɛ Kristo wu n sa na e mur mbe alubi to nna na.

Galeeshaebi 2:12

Kananɛ kesheŋ na daŋ ji nde: Mo nɛ nnyamase be bebɛsopo na daa wɔtɔ nna a bɔ enɔ a wɔtɔ kawie koŋwule to a ji. Ama kachako basa ko ka shi Jeems kutɔ m ba nɛ e fara a lar kaman a lara mbe kumu ashi nnyamase na to, ŋkpal manɛ so, e daa ŋana basa nɛ b daa wɔ katutuku be katuŋ to na nna.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Ɛfesesebi 5:5

Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

2 Tɛsalɔnikaebi 3:14

Nɛ ekama nɛ e kini kewora kusɔ nɛ anyee kaŋɛ menyi kawɔl ere to ere, men baa de amodoŋwura so a gelge mo nɛ anishinyɔr e pɛ mo.

2 Tɛsalɔnikaebi 3:6

Bekurgepoana, naniere anyee fiɛ menyi so Enyɛnpe Yesu Kristo be ketre to fanɛ men baa gelge ekurgepo kikɛ nɛ e wɔ ntɔl be kebaawɔtɔ to a maa bɛ keŋini nɛ an sa menyi na so.

1 Timoti 3:3

E sa maa nuu nsa ga ŋko a la esa brembreŋ, ama a daga fanɛ e baa du boeŋ nsaa maa la elushapo ŋko a ta mbe kagbene a wɔtɔ amansherbi to.

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

2 Jɔn 1:10

Esa kama nɛ e ba men kutɔ nsaa maŋ bar le be keŋini ere, men sa maŋ chɔrɔ mo ŋko n sɔ mo n wɔtɔ men peana,

Kelaraŋŋini 2:14

Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.