1 Kɔrintebi 5:1 - EBƆRƐ BE KAWƆL

¹ Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

1 Kɔrintebi 5:1 ပူးပေါင်းရင်းမြစ်များ

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

Jɛnesis 37:2

Jeekɔb nɛ mbe kanaŋ to ebi be asheŋ nde. Josɛf ka daŋ n fo nfɛ kuduashunu na nɛ mo nɛ mo da nyɛnsoana nɛ b la mo tuto be beche Bilha nɛ Zilpa be mbia na daa kpa mbolpɔ. Loŋ be saŋɛ na so Josɛf daa wɔtɔ nna a ta mo daana na be asheŋ woraso m ba kaa kute a sa mo tuto.

Jɛnesis 49:4

Fo daa du fanɛ ketiligboŋ nna, ama fo maaŋ naa la esagboŋ ŋkpal fo ka di ma kowurche keche nɛ kenyɛn n wora ma, fo tuto be edesekpa eyurpi na so so.

2 Samuɛl 16:22

Nɛ b yuu wajɛbu ewurkpa be kuchoŋi na be esoso nɛ basa nɛ b wɔ ndoŋ na wu Absalɔm ka luri kumo to nɛ e ya di mo tuto mo jipoana basa na kikɛ be anishito.

2 Samuɛl 20:3

Ewura Deevid daŋ shin nna nɛ mo jipoana kudu na bee keni mbe laŋ so ashi Jerusalɛm. Ama e kaŋ naŋ bɛta m ba na nɛ e shin nɛ b yɛr bumo n ya wɔtɔ laŋ pɔtɛ to nseŋ shin nɛ bekumpo bee keni bumo so. E daa sa bumo kusɔ kama nɛ k tir bumo ama mo alɛ nɛ bumo daa maŋ di keche nɛ kenyɛn. Bumo alɛ daŋ baa wɔ laŋ na to nna fanɛ bekulpoche hale n ya fo bumo luwu be jemanɛ.

1 Kronikɛls 5:1

Ruben nɛ e la Jeekɔb pibinyɛn nimuso na daŋ paŋ mbe kuwurkoŋ be eyilikpa nna nɛ b ta kumo n sa Josɛf ŋkpal mo nɛ mo tuto be eche ko ka daŋ di keche nɛ kenyɛnso. Amoso bumo be kakurge to, b maa karga mo fanɛ wurkoŋ.

Jɛremaya 2:33

Men ka nyi kananɛ baa sha beche ga so, esakale gba beeŋ tiŋ ŋ koya kesakalea ashi menyi kutɔ.

Ezikɛl 16:47

Fo baa maŋ kute bumo be kebaawɔtɔ to nna n wora ekishisheŋ nɛ b wora na nawule, ama fo wora amo nɛ a chɔ bumo peya na gba kuraa.”

Ezikɛl 22:10

Basa na be beko wɔtɔ nna a di bumo tutoana be beche nɛ beko malɛ bee tintiŋ a di beche nɛ baa lar ntamaŋ.

Levitikɔs 18:8

A maŋ daga fo tu fo tuto be eche kama n di keche nɛ kenyɛn m bar ŋaba mo so.

Levitikɔs 20:11

Nɛ enyɛn di mo tuto be eche, e ŋaba mo tuto nna na nɛ a daga fanɛ b mɔ mo nɛ eche na kikɛ. Bumo alɛ be luwu be turju beeŋ baa bɛ bumo.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

1 Kɔrintebi 1:11

Ŋkpal manɛ so, ŋ kurgepoana, basa ko ashi Klowe pe bugi to ŋ kaŋɛ ma fanɛ menyi to be beko wɔtɔ nna a kɔ abar nlu.

1 Kɔrintebi 5:11

Kusɔ nɛ n daa de e la fanɛ men sa maŋ shin nɛ menyi nɛ esa kama nɛ e bee tre mbe kumu ekurgepo, mo alɛ nsaa wɔ kesakalea be kebaawɔtɔ to ŋko ŋkaa kɔ kejimuni ŋko emo nɛ e wɔtɔ a shuŋ agbir ŋko a na a tege basa ŋko emo nɛ e bee nuu nsa a boo ŋko emo nɛ e la eyu e baa kɔ kɔnɔkoŋwule be kebaawɔtɔ. Menyi nɛ loŋ be esa e sa maŋ bɔ enɔ n wɔtɔ kawie koŋwule to gba n ji.

1 Kɔrintebi 6:13

Esa ko malɛ beeŋ naŋ kaŋɛ le: “Ajibi e wɔ epun nɛ epun malɛ gba wɔ ajibi.” Kashenteŋ nna, ama baa nyiŋi fanɛ kachako Ebɔrɛ beeŋ mur amo kikɛ. A maŋ daga fanɛ dimɛdi e baa ta mbe eyur a wora kesakaleasheŋ, k daga fanɛ e baa ta kumo nna a shuŋ Enyɛnpe na nɛ Enyɛnpe na malɛ e baa shuŋ eyur na.

1 Kɔrintebi 6:18

Amoso, men baa gelge kesakalea be keji. Kulubi kama nɛ esa wora, e maa wora kumo a gbiti mbe eyur, ama ekama nɛ e bee ji kesakalea bee ji kumo nna a gbiti mo gbagba be eyur nna na.

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

2 Kɔrintebi 12:21

Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.

2 Kɔrintebi 2:5

Nɛ esa baŋ bar kagbenejija anyi to, mannɛ ma kagbene nɛ amodoŋwura jija, ama nɛ fo keni to, menyi kikɛ be ŋgbene nɛ e jija. M maa sha fanɛ n ta kenishipere ga n tu amodoŋwura na.

2 Kɔrintebi 7:12

Amoso, kashenteŋ nna nɛ n sibɛ menyi kawɔl na, ama mannɛ esa nɛ e wora n da so na so ŋko esa nɛ b wora n da mo so na so nɛ n daŋ sibɛ kumo, n daŋ sibɛ kumo nna nɛ men pin ashi Ebɔrɛ be anishito fanɛ kananɛ men be ŋgbene wɔ anyi so.

Galeeshaebi 5:19

Kapɔr lubi ere be asheŋ woraso malɛ baŋ dii efuli nna. Amo nde: Kesakaleasheŋ nɛ eyurpisheŋ nɛ asheŋ jiga be ashuŋ

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

Ditɛronɔmi 22:30

Enyɛn kikɛ e sa maŋ kaŋ di mo tuto be beche to be ekama ŋko n ta eche kama nɛ mo tuto kil ŋ ku so kikɛ. Kumo loŋ la ŋaba nna n sa mo tuto na.

Ditɛronɔmi 27:20

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ di mo tuto be beche to be ekama ŋ ŋaba mo na so.” Nɛ basa nɛ b yil Ebal be kebee so na e kaŋɛ: ‘Amɛn!’

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

Kelaraŋŋini 2:21

N sa mo saŋɛ nɛ e lar mbe alubi to, ama e maa sha kelar mbe kesakalea na to.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

1 Samuɛl 2:24

Mbia, men yige loŋ be asheŋ na. Enyɛnpe Ebɔrɛ na be basa bee malga asheŋ lubi nɛ menyee wora ere kikɛ be asheŋ a kaŋɛ ma.