1 Kɔrintebi 4:9 - EBƆRƐ BE KAWƆL

⁹ K bee wora ma nna fanɛ Ebɔrɛ ta anyi beshuŋipo nna m bɛ ekama be kaman nɛ an baa du fanɛ basa nɛ b ji n tɔr n daga kewu kelɔnɛ so na. B yili anyi kefulto so nna geeŋ, emalaika nɛ basa kikɛ be anishito, kumo e la fanɛ durnya kikɛ be anishito.

1 Kɔrintebi 4:9 ပူးပေါင်းရင်းမြစ်များ

Nshɛ 44:22

Ŋkpal fo so anyee luri luwu to nna saŋkikɛ. An du fanɛ mbolpɔ nɛ b gberge a yɔ nɛ b ya mɔ nna.

Nshɛ 71:7

Ma kebaawɔtɔ ki tɔɔnɛ nna n sa basa damta ŋkpal fo ka la ma ekumpo lempo so.

Jɛremaya 20:18

Manɛ so nɛ b kurge ma bre? Kebaa kaa wɔ etɔrɔ nɛ awurfoŋ to a ji anishinyɔr n ya wu so nɛ b kurge ma a?

Ashuŋ Shunso 19:29

Ndoŋ nna nɛ kebagato na sɔ kade na to kikɛ nɛ jimaŋ yenso na nyaŋ Gayes nɛ Aristaakes, Masɛdonia be basa anyɔ ko nɛ bumo nɛ Pɔɔl daa na na ŋ gberge bumo n yɔ kade na be nshɛrkpa.

Ashuŋ Shunso 19:31

Nɛ efuli na so be benimuana nɛ b daa la Pɔɔl mo teriana na gba shuŋi ŋ kaŋɛ mo fanɛ e sa maŋ kaŋ ba nshɛrkpa na to.

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

1 Kɔrintebi 15:19

Nɛ fanɛ durnya ere to be kebaawɔtɔ to nawule so nna nɛ an kɔ tama Kristo to, kumo ere a daga fanɛ basa ka shu anyi so a chɔ basa kikɛ nyam.

2 Kɔrintebi 11:23

Mannɛ Kristo be anya e la bumo a? Keni ŋ kaa bee malga fanɛ ebompo loŋ, ama ma loŋ be kenyaya chɔ bumo peya. N shuŋ ga a chɔ bumo be ekama nɛ b ti ma ebu a chɔ bumo be ekama, b kuya ma so a chɔ bumo be ekama, saŋɛ damta ma alɛ bee taga luwu to a chɔ bumo be ekama.

2 Kɔrintebi 6:9

B yɛ basa maŋ nyi anyi nɛ basa damta malɛ nyi anyi nɛnɛ, b yɛ anyee wu nna, ama anyi alɛ baa wɔ ŋkpa to nna a yɔ, baa gberge anyi kusoe, ama anyi alɛ maa wu.

1 Tɛsalɔnikaebi 3:3

Menyi alɛ gba nyi fanɛ etɔrɔ na gba la asɔ nɛ Ebɔrɛ yili fanɛ a wora nna.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 10:33

Men nyiŋi saŋko b ka daa bugi to a tege menyi nseŋ daa tɔrɔ menyi nɛ saŋko malɛ b daa wora basa nɛ men daa maŋ lar bumo kaman na loŋ ŋko?

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.