1 Kɔrintebi 4:21 - EBƆRƐ BE KAWƆL

²¹ Kumo nɛ menyeeŋ baa sha, ŋ ka beeŋ ta kasogberge m ba tu menyi ŋko ŋ ka beeŋ ta kasha nɛ kebaawɔtɔ nɛ k du boeŋ m ba tu menyi?

1 Kɔrintebi 4:21 ပူးပေါင်းရင်းမြစ်များ

1 Kɔrintebi 4:18

Menyi be beko bee wu menyi be amu nna a fɛ fanɛ shere m maaŋ naŋ ba menyi kutɔ,

1 Kɔrintebi 5:5

men ta loŋ be esa na m bɔɔ Setani enɔ, saŋɛ na so, mbe eyur beeŋ jija nɛ mbe kiyoyu bre e nya kumɔlga kachɛ nɛ Enyɛnpe beeŋ ba na.

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

2 Kɔrintebi 10:6

Nɛ men baa maa tɔr kasonu be kaplɛa so, anyi alɛ gba wora shiriya fanɛ anyeeŋ gberge kasomaanuwuraana kama kusoe.

2 Kɔrintebi 10:8

Hale nɛ m puchi eleŋ nɛ Enyɛnpe sa anyi fanɛ an ta a chɛ menyi to nɛ men baa yɔ anishito, mannɛ fanɛ an ta n jija menyi na so n ti so gba, k maaŋ pɛ ma anishinyɔr kikɛ.

2 Kɔrintebi 12:18

Taites nɛ n daŋ kule fanɛ e yɔ menyi kutɔ nseŋ shuŋi ekurgepo mo na fanɛ e shuŋi mo n yɔ. To, menyee fɛ fanɛ Taites e daŋ ji menyi so nna ŋko nuso? Ma nɛ Taites kikɛ maŋ kɔ nfɛra koŋwule nɛ kebaawɔtɔ koŋwule nna a?

2 Kɔrintebi 13:10

Amoso nɛ m maŋ wɔ menyi kutɔ nsaa sibɛ menyi na, saŋɛ na so, ŋ kaŋ ba, m maaŋ ta ma eleŋ nɛ Enyɛnpe ta n sa ma fanɛ n ta a chɛ menyi to nɛ men baa yɔ anishito na, mannɛ fanɛ n ta kumo n jija menyi a ŋmenyaŋ menyi na.

2 Kɔrintebi 13:2

Naniere mee sha kenaŋ n fiɛ menyi nɛ men daŋ kewora alubi na so nna nɛ bekama malɛ nɛ b ka na so. Ma kebɔɔ menyi so nyɔsopo to nɛ n daŋ wora loŋ men be anishito, ama naniere m maŋ wɔ menyi to, ma alɛ nseŋ kraa sa menyi kumo. Kumo e la fanɛ, nɛ ŋ kaŋ ba kede to, m maaŋ yige ekama.

2 Kɔrintebi 2:1

Amoso, n yili kumo ma kagbene to nna fanɛ m maaŋ naŋ ba bɔɔ menyi so n naŋ sa menyi kagbenejija.

2 Kɔrintebi 2:3

N daŋ sibɛ kawɔl na n sa menyi nna, saŋɛ na so, ŋ kaŋ ba, menyi basa nɛ baaŋ shin nɛ ma kagbene e fuli ma na maaŋ jija ma kagbene, ŋkpal manɛ so, m baa kɔ menyi kikɛ be yirda fanɛ ma kagbenefuli la menyi kikɛ be kagbenefuli nna.

2 Kɔrintebi 3:10

Ŋkpal manɛ so, nɛ an ta le be kemaŋkura ere m ber sososo peya na, sososo peya na maaŋ baa la shɛŋ.

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

1 Tɛsalɔnikaebi 2:7

Ama saŋɛ nɛ an daa wɔ menyi kutɔ na, an daa du boeŋ nna fanɛ kananɛ ebinio bee keni mbe mbia so a lɔlɔ bumo na.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.