1 Kɔrintebi 4:2 - EBƆRƐ BE KAWƆL

² Kusɔ nɛ k baŋ daga esa nɛ b ta nɛ e baa keni asɔ so e la fanɛ e sa maa lar mo nyɛnpe kaman.

1 Kɔrintebi 4:2 ပူးပေါင်းရင်းမြစ်များ

2 Bewura 12:15

Basa nɛ kushuŋ na bɔɔ bumo be enɔ na kikɛ daa ji kashenteŋ nna, amoso esa kama daa maa keni bumo be asheŋ to.

2 Bewura 22:7

Basa nɛ baa keni kushuŋ na so na kikɛ bee ji kashenteŋ nna, amoso anyi maaŋ keni bumo be asheŋ to a laŋɛ amansherbi na be keji be kaplɛa so.”

Aŋasa 13:17

Kabɔ wulpo e naa bar kebagato, ama kabɔ nɛ e bee ji kashenteŋ bre bee bar kayurwushi nna.

Nɔmbɛs 12:7

Ama kananɛ mee malga ma kayɛrbi Mosis bre kutɔ kɔr. Mo nɛ n ta ŋ ki ma basa Israɛlebi be ejuŋkparpo.

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 25:23

Nɛ mo nyɛnpe na kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, meeŋ ta asɔ damta m bɔɔ fo enɔ. Ba tu ma, fo nyɛnpe n nu ma kuwura to be ebel.’

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

1 Kɔrintebi 4:1

Kananɛ k daga fanɛ men baa ta anyi e la fanɛ an la Kristo be anya nna nɛ Ebɔrɛ ta mbe ewulosheŋ m bɔɔ anyi enɔ.

1 Kɔrintebi 4:17

Ŋkpal loŋ so, mee shuŋi Timoti men kutɔ nna. E la m pibi shaso nna nɛ esa nɛ meeŋ tiŋ n yirda ashi Enyɛnpe be kaplɛa so. E beeŋ nyiŋi menyi kananɛ ma kebaawɔtɔ du ashi Kristo Yesu to fanɛ kananɛ mee ŋini amo kaplɛkama ashi asɔri kama to na.

1 Kɔrintebi 4:3

Ma ere kutɔ nɛ menyi ŋko durnya to be kɔɔti kama to ebi bee ji ma demu, k maŋ tir ma. Ma ere gbagba maa ji ma kumu demu.

1 Kɔrintebi 7:25

To, naniere men shin nɛ an keni bumo nɛ b maŋ naŋ luri kakil to na be asheŋ to. Enyɛnpe maŋ ta kamalga naseso nɛ k bee yɔ bumo be kaplɛa so n sa ma, ama meeŋ kaŋɛ menyi kusɔ nɛ ma nɛ n la esa nɛ baaŋ tiŋ n yirda ŋkpal Enyɛnpe na be kuwɔr so na gbagba be nfɛra bee kaŋɛ ma.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.

2 Kɔrintebi 4:2

Naniere, an yige wulo to be asheŋ nɛ anishinyɔr be ekpaana. Anyi maa ta kafule a wora asheŋ, anyi alɛ maa chɛrga Ebɔrɛ be kamalga na. Ama kashenteŋ nɛ an lara n dii efuli. Loŋ malɛ, ekama be nfɛra fɛso beeŋ ŋini mo fanɛ an walɛ nna ashi Ebɔrɛ be anishito.

Kɔlɔsiebi 1:7

Epafras, an barkasa kebɔrɛnya shaso ŋini menyi kananɛ Ebɔrɛ kɛ basa mbe kuwɔr be kakɛ na. Mo e la Yesu Kristo be eshumpo kagbene koŋwuleso a yil an be katelamu to nna.

Kɔlɔsiebi 4:17

Men kaŋɛ Akipes le: “Baa de kushuŋ nɛ fo sɔ ŋkpal fo ka la Enyɛnpe peya na so na so a wora kumo.”

Kɔlɔsiebi 4:7

An kurgepo shaso Tikikes nɛ e la m barkasa kebɔrɛnya a shuŋ Ebɔrɛ kagbene koŋwuleso na beeŋ sa menyi ma baru.