1 Kɔrintebi 4:19 - EBƆRƐ BE KAWƆL

¹⁹ ama nɛ Enyɛnpe na shuli, m maaŋ naŋ chɛr nseŋ ba menyi kutɔ. Ma alɛ kaŋ ba, meeŋ pin eleŋ nɛ basa nɛ baa wu bumo be amu ere kɔ, mannɛ bumo be mmalga nawule.

1 Kɔrintebi 4:19 ပူးပေါင်းရင်းမြစ်များ

Ashuŋ Shunso 18:21

Ama le nɛ e daŋ kaŋɛ bumo nseŋ pɛ ekpa: “Nɛ Ebɔrɛ shuli, meeŋ naŋ bɛta m ba menyi kutɔ.” Kede be kaman nɛ e yili Ɛfeses n luri ekuloŋgboŋ ko to m bɔla nchu so n yɔ.

Ashuŋ Shunso 19:21

Asheŋ nɛ a wora na be kaman nɛ Kiyoyu Cheeŋ na shin nɛ Pɔɔl yili kumo mbe kagbene to fanɛ e beeŋ bɔla Masɛdonia nɛ Griis to n ta n yɔ Jerusalɛm. Le nɛ e daŋ kaŋɛ: “A daga fanɛ, ŋ kaŋ yɔ ndoŋ, n fo Rom gba.”

Ashuŋ Shunso 20:2

n ya kaa ta mmalga damta a leŋ beyirdapoana na to.

Romebi 15:32

Saŋɛ na so nɛ k la Ebɔrɛ be kepar nɛ m ba menyi kutɔ nɛ kagbenefuli, nɛ ma nɛ menyi kikɛ be keba abar so e leŋ anyi to.

1 Kɔrintebi 11:34

Ekama nɛ akoŋ kɔ, amodoŋwura e ji epe, saŋɛ na so, men baŋ ba shɛr abar so, kumo be lalaloge maaŋ bar kasogberge. To, asheŋ nɛ a ka na bre, ŋ kaŋ ba, meeŋ ŋini menyi amo alɛ be afito.

1 Kɔrintebi 14:5

Nɛ men kikɛ daa gbar ŋgbar pɔtɛana nna, k daa beeŋ par ma, ama kusɔ nɛ k chɔ loŋ e la men kikɛ ka daa beeŋ baa tiŋ a wu abɔrɛsheŋ to a kaŋɛ. Ŋkpal manɛ so, esa nɛ e bee wu abɔrɛsheŋ to a kaŋɛ, chɔ esa nɛ e bee gbar ŋgbar mo nɛ e maa nu, ama esa ko baa wɔ ndoŋ a beeŋ tiŋ ŋ kute ŋgbar na be afito nɛ asɔri na to ebi kikɛ e nya kechɛto n yɔ anishito.

1 Kɔrintebi 16:5

Mee fɛ kebɔla Masɛdonia be efuli so nna. Ma alɛ kaŋ yɔ ndoŋ, meeŋ ba chɔrɔ menyi.

1 Kɔrintebi 16:7

M maa sha fanɛ m baa choŋ naniere le nseŋ wu menyi. Mee fɛ nna fanɛ nɛ Enyɛnpe shuli nɛ n nya saŋɛ, meeŋ chena menyi kutɔ n wora nchɛnnyɔ.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

1 Kɔrintebi 4:18

Menyi be beko bee wu menyi be amu nna a fɛ fanɛ shere m maaŋ naŋ ba menyi kutɔ,

1 Kɔrintebi 4:6

Ŋ kurgepoana, m malga asheŋ ere nna n ta ma nɛ Apɔlɔs be asheŋ m ber ŋkpal men be kechɛto so. N wora loŋ nna nɛ men pin kusɔ nɛ basa bee kaŋɛ fanɛ: “Sa maŋ kaŋ wora asheŋ m baŋ kusɔ nɛ b sibɛ n nase na so.” Men be ekama e sa maŋ kaa puchi esa ko so nsaa kishi eko.

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

2 Kɔrintebi 10:9

M maa sha fanɛ k baa du fanɛ ŋ kɔ ma nwɔl nna a funti menyi.

Hibruwebi 6:3

Men shin nɛ an baa yɔ anishito. Ebɔrɛ malɛ shuli, loŋ nɛ anyeeŋ baa wora.

Jeems 4:15

Kusɔ nɛ k daga fanɛ men baa kaŋɛ e la: “Nɛ Ebɔrɛ shuli nɛ ŋkpa kraa wɔtɔ, anyeeŋ wora le nɛ le.”