1 Kɔrintebi 4:17 - EBƆRƐ BE KAWƆL

¹⁷ Ŋkpal loŋ so, mee shuŋi Timoti men kutɔ nna. E la m pibi shaso nna nɛ esa nɛ meeŋ tiŋ n yirda ashi Enyɛnpe be kaplɛa so. E beeŋ nyiŋi menyi kananɛ ma kebaawɔtɔ du ashi Kristo Yesu to fanɛ kananɛ mee ŋini amo kaplɛkama ashi asɔri kama to na.

1 Kɔrintebi 4:17 ပူးပေါင်းရင်းမြစ်များ

Aŋasa 13:17

Kabɔ wulpo e naa bar kebagato, ama kabɔ nɛ e bee ji kashenteŋ bre bee bar kayurwushi nna.

Nɔmbɛs 12:7

Ama kananɛ mee malga ma kayɛrbi Mosis bre kutɔ kɔr. Mo nɛ n ta ŋ ki ma basa Israɛlebi be ejuŋkparpo.

Matiu 24:45

Nɛ Yesu bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 25:23

Nɛ mo nyɛnpe na kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, meeŋ ta asɔ damta m bɔɔ fo enɔ. Ba tu ma, fo nyɛnpe n nu ma kuwura to be ebel.’

Ashuŋ Shunso 16:1

Pɔɔl ta loŋ n ya fo Dɛbi n lar ndoŋ n yɔ Listra n ya tu ebɛsopo ko nɛ baa tre Timoti ndoŋ. Mo nio gba daa la eyirdapo nna a la Juw nɛ mo tuto malɛ daa la Griik.

1 Kɔrintebi 11:16

To, kusɔ nɛ ŋ kaŋɛ ere, nɛ esa kama nɛ e bee sha keji kumo emɔrɔ, kusɔ nɛ mee kaŋɛ amodoŋwura e la fanɛ kusɔ nɛ anyi nɛ Ebɔrɛ be asɔriana na to ebi kikɛ bee bɛ so nna na.

1 Kɔrintebi 11:2

Saŋkikɛ mee chɔrɔ menyi nna ŋkpal men ka bee nyiŋi ma kusɔ kama to nɛ kananɛ men baa kɔ keŋini mo nɛ n ta n sa menyi na to so.

1 Kɔrintebi 11:34

Ekama nɛ akoŋ kɔ, amodoŋwura e ji epe, saŋɛ na so, men baŋ ba shɛr abar so, kumo be lalaloge maaŋ bar kasogberge. To, asheŋ nɛ a ka na bre, ŋ kaŋ ba, meeŋ ŋini menyi amo alɛ be afito.

1 Kɔrintebi 14:33

Ŋkpal manɛ so, Ebɔrɛ maŋ la kebagato be Ebɔrɛ nna, kagbenewushi be Ebɔrɛ e la mo.

1 Kɔrintebi 16:1

To, naniere men shin nɛ an keni keto toto n sa Ebɔrɛ be basa na be asheŋ to. Men baa wora kananɛ ŋ kaŋɛ Galeeshaebi be asɔriana fanɛ b baa wora na.

1 Kɔrintebi 16:10

Timoti kaŋ ba, men keta mo nɛnɛ nsaa maŋ shin nɛ kufu e pɛ mo fanɛ efɔ, ŋkpal manɛ so, mo alɛ gba bee shuŋ Enyɛnpe na be kushuŋ nna fanɛ ma.

1 Kɔrintebi 4:14

M maa sibɛ asɔ ere nna a sa menyi nɛ n ta anishinyɔr m pɛ menyi, ama mee sibɛ amo nna nɛ n niŋi menyi ekpa ŋkpal men ka la ma mbia shaso so.

1 Kɔrintebi 4:15

Kashenteŋ nna fanɛ hale nɛ men kɔ basa nɛ baa ŋini menyi Kristo be asheŋ damta fanɛ kagboŋ gba, menyi maŋ kɔ betuto damta bre, ŋkpal manɛ so, Kristo Yesu to, ma e daŋ bɔla baru lela na so ŋ ki menyi tuto.

1 Kɔrintebi 4:2

Kusɔ nɛ k baŋ daga esa nɛ b ta nɛ e baa keni asɔ so e la fanɛ e sa maa lar mo nyɛnpe kaman.

1 Kɔrintebi 7:17

Kusɔ nɛ k baa wɔtɔ e la fanɛ ekama e baa kɔ kebaawɔtɔ mo nɛ Enyɛnpe na ta n sa mo pɔɛŋ nɛ Ebɔrɛ tre mo na a yil to kpakpa. Kusɔ nɛ n sibɛ n nase a sa asɔriana na kikɛ nna na.

1 Kɔrintebi 7:25

To, naniere men shin nɛ an keni bumo nɛ b maŋ naŋ luri kakil to na be asheŋ to. Enyɛnpe maŋ ta kamalga naseso nɛ k bee yɔ bumo be kaplɛa so n sa ma, ama meeŋ kaŋɛ menyi kusɔ nɛ ma nɛ n la esa nɛ baaŋ tiŋ n yirda ŋkpal Enyɛnpe na be kuwɔr so na gbagba be nfɛra bee kaŋɛ ma.

2 Kɔrintebi 8:18

Esa nɛ anyee shuŋi n ti mo so e la ekurgepo mo nɛ e kɔ ketre ashi asɔriana na kikɛ to ŋkpal mbe baru lela na be kebɔ so.

Ɛfesesebi 6:21

An kurgepo shaso Tikikes nɛ e bee shuŋ Enyɛnpe na kagbene koŋwuleso beeŋ sa menyi ma baru nɛ men pin ma kebaawɔtɔ be asheŋ.

Filipaiebi 2:19

Nɛ Enyɛnpe Yesu malɛ shuli, mee tama fanɛ k maaŋ chɛr nɛ n shuŋi Timoti menyi kutɔ, saŋɛ na so e beeŋ ya bar ma men be baru nɛ ma kagbene e fuli ma.

Filipaiebi 2:22

Ama Timoti bre, menyi alɛ gba nyi kananɛ mo ere maŋ kɔ le be kebaawɔtɔ ere, ŋkpal manɛ so, men nyi fanɛ ma nɛ mo e baa wɔ baru lela ere be kushuŋ ere to a shuŋ fanɛ kananɛ ebi nɛ mo tuto bee shuŋ na.

Kɔlɔsiebi 1:7

Epafras, an barkasa kebɔrɛnya shaso ŋini menyi kananɛ Ebɔrɛ kɛ basa mbe kuwɔr be kakɛ na. Mo e la Yesu Kristo be eshumpo kagbene koŋwuleso a yil an be katelamu to nna.

Kɔlɔsiebi 4:9

Mo nɛ Onisimɔs nɛ e la menyi be eko nsaa la ekurgepo shaso kagbene koŋwuleso na nɛ an shuŋi. Baaŋ kaŋɛ menyi kusɔ kama nɛ k bee wora nfe.

1 Timoti 1:18

M pibi Timoti, mee ta asheŋ nɛ ŋ ŋini fo ere nna a bɔla mmalga nɛ anebiana na daŋ wu ŋ kaŋɛ fo asheŋ na so a bɔɔ fo enɔ. Baa ta amo a wɔtɔ fo kagbene to nsaa kɔ yirda nɛ nfɛra lela a ki fo akɔsɔ a kɔ yirda be kena lela na.

1 Timoti 1:2

a yɔ fo Timoti nɛ fo la m pibi kashenteŋto ashi yirda na to na kutɔ. Ebɔrɛ Etuto na nɛ Kristo Yesu an Nyɛnpe e baa sa fo kuwɔr be kakɛ nɛ kuwɔr nɛ kagbenewushi.

2 Timoti 1:2

a yɔ fo, m pibi shaso Timoti kutɔ. Ebɔrɛ Etuto nɛ Kristo Yesu an Nyɛnpe na e sa fo kuwɔr be kakɛ nɛ kuwɔr nɛ kagbenewushi.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

2 Timoti 3:10

Ama fo ere nyi ma keŋini na kikɛ nɛ ma da nɛ ma kebaawɔtɔ be kifi to. Fo alɛ naŋ wu ma yirda nɛ ma kanyiti nɛ ma kasha nɛ kananɛ ŋ kɔ tɔrɔ be kanyiti.

Taites 1:5

N daŋ yige fo Kriit nna nɛ fo wora asheŋ nɛ a daŋ ka kewora na nna. Asheŋ nɛ n daŋ ta m bɔɔ fo enɔ na e daa la fanɛ kade kama be asɔri to, fo lara benimu n sa ndoŋebi.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.