1 Kɔrintebi 4:12 - EBƆRƐ BE KAWƆL

¹² Anyi gbagba be enɔana nɛ an kɔ a shuŋ ga. Basa baŋ so anyi kɔnɔ, anyee nɛfa bumo nna, b baŋ tɔrɔ anyi, anyee ji kumo be loŋ be kanyiti nna.

1 Kɔrintebi 4:12 ပူးပေါင်းရင်းမြစ်များ

Matiu 5:11

Nɛ basa bee tege menyi nsaa tɔrɔ menyi a ku efɛ a malga mmalga be yiri kikɛ a gbiti menyi ŋkpal ma so, kagbenefuli beeŋ ba kaa la menyeya.

Matiu 5:44

Ama ma e kaŋɛ menyi na fanɛ men baa sha men doŋana nsaa kule Ebɔrɛ a sa bumo nɛ baa tɔrɔ menyi na,

Luuk 23:34

Nɛ Yesu kaŋɛ le: “Etuto, ta m paŋ bumo, ŋkpal manɛ so, b maŋ nyi kusɔ nɛ baa wora.” Nɛ b to beri a fin bumo nɛ baaŋ nya mbe asɔbuuso.

Luuk 6:28

Men baa nɛfa bumo nɛ baa melgi menyi na nsaa kule Ebɔrɛ a sa bumo nɛ baa keni menyi jiga na.

Baru lela nɛ Jɔn kute na 15:20

Men baa nyiŋi kananɛ n daŋ kaŋɛ menyi na fanɛ: ‘Kenya maŋ chɔ mo nyɛnpe’. Nɛ durnya ere to ebi baŋ tɔrɔ ma, kumo ere baaŋ tɔrɔ menyi alɛ gba. Nɛ b baŋ ta ma mmalga n wɔtɔ bumo be ŋgbene to, baaŋ ta menyi alɛ gba peya n wɔtɔ bumo be ŋgbene to.

Ashuŋ Shunso 18:3

Ndoŋ nna nɛ Pɔɔl ya chɔrɔ bumo nseŋ shir bumo pe a wɔtɔ a baa ewajɛbu a fa a nya amansherbi a tɔ mbe asɔ jiso fanɛ kananɛ bumo gbagba daa wora na.

Ashuŋ Shunso 20:34

Menyi gbagba nyi fanɛ ma enɔana ere nɛ n daŋ ta n shuŋ n nya asɔ nɛ a daga fanɛ ma nɛ m braana na e nya.

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

Romebi 12:14

Men baa nɛfa basa nɛ baa kpal menyi be kebɛso so a tɔrɔ menyi na, men baa nɛfa bumo nsaa maa so bumo kɔnɔ.

Romebi 12:20

Kusɔ nɛ k daga fanɛ men baa wora nde, nɛ akoŋ baa kɔ fo doŋ, fo sa mo ajibi, nɛ achukoŋ malɛ naa kɔ mo, fo sa mo kusɔnuuso nɛ e nuu. Nɛ fo baŋ wora loŋ, feeŋ ta anishinyɔr m pɛ edoŋ na.

Romebi 8:35

To, manɛ e naaŋ tiŋ n lara kasha nɛ Kristo kɔ a sa anyi ashi anyi so? Tɔrɔ ŋko awurfoŋ ŋko basa be kekɔrfɛ anyi ŋkpal anyi be yirda so ŋko akoŋ ŋko ketir ŋko kenishipere ŋko luwu bre e naaŋ tiŋ n lara mbe kasha ashi anyi so?

1 Kɔrintebi 9:6

Ŋko ma nɛ Baanabas nawule e daga fanɛ an baa shuŋ a ji?

2 Kɔrintebi 11:8

Asɔriana ko nɛ n daŋ suge a wɔtɔ a shuŋ menyi, ŋkpal manɛ so, n daa nya kechɛto nna ashi bumo kutɔ.

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

2 Tɛsalɔnikaebi 3:8

An daa maŋ ji ekama be kejibi a maŋ ka mo, ama kapa nɛ kanyɛ an daa mɔ an be amu nna a shuŋ nɛ an sa maŋ bɔ ekama kukɔ.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Pita 3:14

Hale nɛ men wora kelela nɛ b kpal loŋ so n tɔrɔ menyi gba, nɛfa la menyeya nna. Men sa maa ŋana bumo be kafunti, menyi alɛ e sa maŋ naa shin nɛ men be ŋgbene e baa ku.

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

1 Pita 4:19

Amoso, bumo nɛ b wɔ tɔrɔ mo nɛ a la Ebɔrɛ be keparso peya ere to ere, b baa ta bumo be amu kikɛ a bɔɔ bumo be Epɔrpo mo nɛ e maŋ kɔ kɔnɔkilgi na nsaa wɔtɔ a wora kelela na enɔ.

Juud 1:9

Hale Maikel mo nɛ e la emalaika kikɛ be ejuŋkparpo na daa maŋ shoduu Setani saŋɛ nɛ mo nɛ mo daa ji emɔrɔ ŋkpal anebi Mosis be eyur so na. E daa maŋ maŋ mbe kumu so n tege Setani, kusɔ nɛ e daŋ kaŋɛ e la: “Ebɔrɛ e fiɛ fo so!”