1 Kɔrintebi 4:10 - EBƆRƐ BE KAWƆL

¹⁰ Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

1 Kɔrintebi 4:10 ပူးပေါင်းရင်းမြစ်များ

2 Bewura 9:11

Ndoŋ nna nɛ Jehu bɛta n yɔ mo braana benimu na kutɔ nɛ b bishi mo le: “Nuso nɛ asheŋ du? Manɛ nɛ ebompo ere bee fin fo kutɔ?” Nɛ Jehu kaŋɛ: “Men nyi kusɔ nɛ e bee sha gba.”

Aŋasa 11:12

Ewulpo e naa ji beko be asheŋ, enyiashempo bre bee loto nna.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Matiu 24:9

Ade malɛ be buushi, basa beeŋ shin nɛ b pɛ menyi n tɔrɔ menyi nseŋ mɔ menyi. Ekama beeŋ kishi menyi ŋkpal ma so.

Matiu 5:11

Nɛ basa bee tege menyi nsaa tɔrɔ menyi a ku efɛ a malga mmalga be yiri kikɛ a gbiti menyi ŋkpal ma so, kagbenefuli beeŋ ba kaa la menyeya.

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Luuk 18:9

Yesu e daŋ bɔ basa nɛ b daŋ yirda bumo gbagba be alelasheŋ a tama fanɛ b la basa cheembi nsaa wɔtɔ a fɛl beko na keŋasa ere.

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

Ashuŋ Shunso 26:24

Pɔɔl ka yili a malga le a kuŋ mbe kumu na nɛ Fɛstes ponte mo so ŋ kaŋɛ: “Pɔɔl, keyeŋiyeŋi e kɔ fo na. Fo kawɔl be kenyi damta ere e naa shin nɛ keyeŋiyeŋi tɔr fo so na.”

Ashuŋ Shunso 9:16

Ma alɛ gbagba beeŋ ŋini mo tɔrɔ nɛ a daga e ka ji n sa ma.”

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

1 Kɔrintebi 1:25

Ŋkpal manɛ so, kusɔ nɛ k bee ŋini Ebɔrɛ be kawulisheŋ kɔ kanyiasheŋ a chɔ edimɛdi be kanyiasheŋ. Kusɔ nɛ kumo alɛ bee ŋini Ebɔrɛ be kapɔshi basa be anishito kɔ eleŋ a chɔ edimɛdi be eleŋ.

1 Kɔrintebi 10:12

Amoso, ekama nɛ e bee fɛ fanɛ e yil kpakpa na e baa da so nsaa maŋ kaŋ tɔr.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Kɔrintebi 2:3

Ma alɛ ka daŋ ba menyi kutɔ na, ma nɛ kapɔshi nɛ kufu nɛ kechicha damta e daŋ ba.

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

1 Kɔrintebi 3:2

Kusɔ nɛ n daŋ sa menyi na daa du fanɛ kenyipo nna, mannɛ ajibi nyiŋgriŋ e daa la, ŋkpal manɛ so, men daa maŋ naŋ fo loŋ be ajibi na, hale mbre gba men maŋ naŋ fo amo.

1 Kɔrintebi 4:8

Menyee fɛ fanɛ naniere men tea kɔ kusɔ kikɛ nɛ menyee sha ŋko? Men teŋ dii dama ŋko? Men ki bewura ŋ ka anyi. Nɛ men daa la bewura kashenteŋto k daa beeŋ par ma paa! Saŋɛ na so anyi alɛ gba daa beeŋ tu menyi a la bewura.

2 Kɔrintebi 10:10

Ŋkpal manɛ so, loŋ nɛ beko bee kaŋɛ fanɛ: “Mbe mmalga nɛ a wɔ mbe nwɔl to wɔ egbɛ nsaa kɔ eleŋ, ama fo wu mo gbagba kenishiso, e maŋ la elempo, mbe kɔnɔ to be mmalga malɛ maŋ kɔ shɛŋ.”

2 Kɔrintebi 11:19

Menyi ere ka la benyiashempoana na so, menyee tiŋ a nyiti bewulpo.

2 Kɔrintebi 11:29

Wanɛ e la epɔsopo nɛ m maaŋ tu amodoŋwura n luri mbe kapɔshi na to ŋko wanɛ e naaŋ tɔr alubi to nɛ ma kagbene maaŋ jija na?

2 Kɔrintebi 13:9

Nɛ anyi maŋ kɔ eleŋ nɛ menyi ere kɔ eleŋ, anyi be ŋgbene bee fuli anyi nna. Anyi alɛ bee kule Ebɔrɛ fanɛ e shin nɛ men ba ki basa cheembi.

2 Kɔrintebi 4:12

Amoso, luwu wɔ anyi to nna a shuŋ nɛ ŋkpa malɛ gba wɔ menyi to a shuŋ.

2 Kɔrintebi 6:8

Basa bee bunyaŋ anyi nsaa ŋaba anyi, baa tege anyi nsaa chɔrɔ anyi, baa tre anyi befɛpo nɛ anyi alɛ bee ji kashenteŋ.

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Pita 4:14

Nɛ b baŋ tege menyi ŋkpal men ka la Kristo be bebɛsopo so, kumo ere nɛfa la menyeya nna, ŋkpal manɛ so, Ebɔrɛ be Kiyoyu nɛ e kɔ kemaŋkura na e wɔ menyi to.