1 Kɔrintebi 3:8 - EBƆRƐ BE KAWƆL

⁸ Esa nɛ e bee duu nɛ emo nɛ e bee wurge so nchu na kikɛ sasa nna. Kananɛ ekama malɛ bee shuŋ mbe kushuŋ so nɛ baaŋ yili ŋ ka mo kukɔ.

1 Kɔrintebi 3:8 ပူးပေါင်းရင်းမြစ်များ

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Aŋasa 27:18

Fo baŋ keni kedibisɔrso so nɛnɛ feeŋ ji kumo be asɔrso. Fo baŋ keta fo nyɛnpe nɛnɛ feeŋ baa nya kechɔrɔ saŋkama.

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Luuk 19:19

Nɛ enyɛnpe na kaŋɛ mo alɛ le: ‘N sa fo alɛ nde anu nɛ fo baa keni so.’

Romebi 2:6

Kusɔ kama nɛ esa wora, Ebɔrɛ beeŋ ka mo kumo be kukɔ.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

1 Kɔrintebi 3:14

Nɛ edɛ na maŋ tiŋ n ji kusɔ nɛ amodoŋwura pɔr n yili egbaltɔlase na so na, kumo ere e beeŋ nya mbe tɔnɔ.

1 Kɔrintebi 3:7

Amoso, esa nɛ e bee duu asɔ nɛ emo nɛ e bee wurge so nchu kikɛ maŋ la shɛŋ, Ebɔrɛ nawule e la kusɔ ko, ŋkpal manɛ so, mo e naa tiŋ a shin nɛ asɔ bee daŋ.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

1 Kɔrintebi 4:15

Kashenteŋ nna fanɛ hale nɛ men kɔ basa nɛ baa ŋini menyi Kristo be asheŋ damta fanɛ kagboŋ gba, menyi maŋ kɔ betuto damta bre, ŋkpal manɛ so, Kristo Yesu to, ma e daŋ bɔla baru lela na so ŋ ki menyi tuto.

1 Kɔrintebi 9:7

Soja mo gbagba e naa ka mo gbagba be kumu ashi kushuŋ na to? Esa mo e naa duu ndibi sɔrso nɛ a baa wora nɛ e maaŋ ji amo be asɔrso na? Esa mo e naaŋ baa keni ana so ŋkaa maaŋ baa nyaŋ amo kenyipo?

Galeeshaebi 6:4

Ekama e baa keni mo gbagba be asheŋ woraso to a nyi kananɛ a du, nɛ a baa walɛ, e chɔrɔ mbe kumu. Ama e sa maa ta mbe asheŋ woraso a kesar esa pɔtɛ peya so.

Galeeshaebi 6:5

Ekama e baa de mo gbagba be asheŋ woraso so.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

2 Jɔn 1:8

Amoso, men baa de so n sa maŋ paŋ kusɔ nɛ men kpal kumo so n shuŋ na, ama men wora ania n nya men be tɔnɔ kikɛ nyam.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.