1 Kɔrintebi 3:6 - EBƆRƐ BE KAWƆL

⁶ An baa du fanɛ basa nɛ b wɔ ndɔ to a shuŋ nna. Ma e duu asɔ duuso nɛ Apɔlɔs wora nchu n wurge amo so, ama Ebɔrɛ e shin nɛ a daŋ.

1 Kɔrintebi 3:6 ပူးပေါင်းရင်းမြစ်များ

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Nshɛ 62:11

Kusɔ koŋwule nɛ Ebɔrɛ malga, ama asɔ anyɔ nɛ n nu. Amo e la fanɛ, fo Enyɛnpe Ebɔrɛ na kɔ eleŋ

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Aŋasa 11:25

Fo baa bugi enɔ a kɛ feeŋ dii dama. Chɛ beko to nɛ beko malɛ e chɛ fo to.

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 14:27

B ka ba Antiɔk nɛ b shɛr asɔriebi na kikɛ ŋ kaŋɛ bumo asɔ nɛ bumo nɛ Ebɔrɛ wora kikɛ nɛ kananɛ e bugi ekpa n sa nnyamase gba nɛ b yirda.

Ashuŋ Shunso 16:14

Ndoŋ nɛ an ya chena m malga n sa beche ko ka ba shɛr. Beche nɛ b daŋ nu anyi be kamalga na be eko e daa la Libiya, e daa la ewajɛ peper kunɔkunɔ nɛ amo be yawu daa du kpakpa na be efapo nna n shi Tayataira. E daa la eche nɛ e daŋ bunyaŋ Ebɔrɛ nna nɛ Enyɛnpe bugi mbe kagbene nɛ e bugi asoe n nu kusɔ nɛ Pɔɔl daa kaŋɛ na.

Ashuŋ Shunso 18:24

Juwnyɛn ko nɛ baa tre Apɔlɔs nɛ b daŋ kurge mo Alɛkzaandria na daŋ ba Ɛfeses. E daa nyi kamalga to ga nsaa nyi abɔrɛsibɛ na malɛ ga.

Ashuŋ Shunso 19:1

Jemanɛ nɛ Apɔlɔs daa wɔ Kɔrint na nɛ Pɔɔl malɛ na kasawule na kikɛ so loŋ n ya fo Ɛfeses.

Ashuŋ Shunso 21:19

Ndoŋ nna nɛ Pɔɔl chɔrɔ bumo nseŋ kaŋɛ bumo asɔ nɛ Ebɔrɛ bɔla mo so n wora nnyamase to kikɛ nyam.

Romebi 15:18

Meeŋ baa kɔ kenyɛn nawule a malga asheŋ nɛ Kristo na wora ashi ma to nɛ loŋ e tiŋ n shin nɛ m bɔla mmalga nɛ ashuŋ shunso to n shin nɛ nnyamase e ba kaa nu a sa Ebɔrɛ.

1 Kɔrintebi 1:12

Kusɔ nɛ mee ber e la fanɛ men wɔtɔ nna a kaŋɛ abar le: “Pɔɔl nɛ ma ere bɛ so,” nɛ ede kaŋɛ: “Apɔlɔs nɛ ma ere bɛ so,” nɛ ede malɛ e kaŋɛ: “Sifas nɛ ma ere bɛ so,” nɛ eko malɛ e kaŋɛ: “Kristo nɛ ma ere bɛ so.”

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 3:22

Pɔɔl ŋko Apɔlɔs ŋko Sifas ŋko durnya ŋko ŋkpa ŋko luwu ŋko asheŋ nɛ a bee wora naniere ŋko amo nɛ a beeŋ wora echefoso kikɛ nyam la menyeya nna.

1 Kɔrintebi 3:7

Amoso, esa nɛ e bee duu asɔ nɛ emo nɛ e bee wurge so nchu kikɛ maŋ la shɛŋ, Ebɔrɛ nawule e la kusɔ ko, ŋkpal manɛ so, mo e naa tiŋ a shin nɛ asɔ bee daŋ.

1 Kɔrintebi 9:1

Men shin nɛ an bishi menyi kusɔ ko. M maŋ wɔ ma kumu nna a? Mannɛ eshuŋipo e la ma a? M maŋ naŋ wu an Nyɛnpe Yesu nna a? Mannɛ menyi e la kushuŋ nɛ mee shuŋ a sa Enyɛnpe na be tɔɔnɛ a?

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.