1 Kɔrintebi 3:3 - EBƆRƐ BE KAWƆL

³ Ŋkpal manɛ so, men kraa wɔtɔ nna fanɛ eyur to be basa a wora abar kayurbesa be asheŋ nsaa bile. To, men maŋ nyi fanɛ nɛ men baa wɔtɔ a wora loŋ men kraa du fanɛ eyur ere to be basa nna nsaa wɔtɔ a wora asheŋ fanɛ basa fuloŋ a?

1 Kɔrintebi 3:3 ပူးပေါင်းရင်းမြစ်များ

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

1 Kɔrintebi 1:11

Ŋkpal manɛ so, ŋ kurgepoana, basa ko ashi Klowe pe bugi to ŋ kaŋɛ ma fanɛ menyi to be beko wɔtɔ nna a kɔ abar nlu.

1 Kɔrintebi 11:18

Kusɔ nɛ k juŋkpar nde: N nu fanɛ men baŋ shɛr fanɛ asɔri, men kɔ kebargatoana nna menyi to, ma alɛ yirda kumo ashi ekpa ko so.

1 Kɔrintebi 3:4

Nɛ men wɔtɔ a kaŋɛ abar fanɛ: “Pɔɔl nɛ ma ere bee bɛ so,” nɛ ede malɛ e kaŋɛ: “Apɔlɔs nɛ ma ere bee bɛ so,” loŋ maa ŋini fanɛ basa fuloŋ e baa la menyi ere a?

2 Kɔrintebi 12:20

K bee wora ma nna fanɛ ŋ kaŋ ba men kutɔ meeŋ ba wu fanɛ mannɛ kananɛ mee sha fanɛ men baa du na nɛ men du, nɛ menyi alɛ gba e wu fanɛ mannɛ kananɛ menyee sha fanɛ m baa du na nɛ n du n sa menyi. Mee lɔ kufu nna fanɛ shere meeŋ ba wu nlu nɛ kayurbesaana nɛ agboana ka bee kaa nɛ kejimuniana nɛ kategeana nɛ ŋkuli nɛ kamoowu nɛ kebarga to menyi to.

Galeeshaebi 5:15

Ama nɛ men baa wɔtɔ a bile a wɔtɔ abar ebesa to bre, men baa da so, nɛ mannɛ aloŋ menyeeŋ mur abar cheche.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 3:16

Kaplɛkama nɛ yurkishi wɔ nɛ basa bee fɛ bumo nawule be asheŋ so, kɔnɔkoŋwule maŋ wɔ ndoŋ she kulubi be yiri kikɛ.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.