1 Kɔrintebi 3:18 - EBƆRƐ BE KAWƆL

¹⁸ Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

1 Kɔrintebi 3:18 ပူးပေါင်းရင်းမြစ်များ

Aŋasa 26:12

Ewulpo bɔ esa nɛ e bee tre mbe kumu enyiashempo, mo alɛ nseŋ wuli.

Aŋasa 3:5

Ta fo kagbene kikɛ nyam n yirda Enyɛnpe Ebɔrɛ na. Sa maa ta fo tama a deŋi kusɔ nɛ fo nyi so.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Aŋasa 5:7

Amoso m pibinyɛn, bugi asoe nɛnɛ n nu. Sa maŋ teŋ kusɔ nɛ mee kaŋɛ ere so.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Aizaaya 5:21

Asheŋ maaŋ nyalɛ n sa menyi! Menyee fɛ fanɛ menyi be anishi bugi nna nɛ men nyi asheŋ ga.

Jɛremaya 37:9

Ma, Enyɛnpe Ebɔrɛ na bee kpele menyi kusoe nna fanɛ men sa maa fɛ fanɛ Babilɔnebi na maaŋ naŋ bɛta m ba, ŋkpal manɛ so, baaŋ bɛta m ba.

Jɛremaya 8:8

Nuso nɛ menyeeŋ tiŋ ŋ kaŋɛ fanɛ men nyi asheŋ nsaa nyi ma mbraana na? Mbraŋinipoana na chɛrga amo nna nɛ e ki efɛ men kutɔ.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Matiu 18:4

Amoso, ekama nɛ e bee bar mbe kumu kaseto a du fanɛ kebia ere e chɔ ekama ashi ebɔrɛso be kuwura to.

Maak 10:15

Kashenteŋ nɛ mee kaŋɛ menyi na fanɛ esa kama nɛ e maŋ sɔ Ebɔrɛ be kuwura na fanɛ kebibi, maaŋ luri kumo to kikɛ.”

Luuk 18:17

Kashenteŋ nɛ mee kaŋɛ menyi nna fanɛ esa kama nɛ e maŋ sɔ Ebɔrɛ be kuwura na fanɛ kebibi maaŋ luri kumo to kikɛ.”

Luuk 21:8

Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

1 Kɔrintebi 3:17

Ekama nɛ e jija Ebɔrɛ be lambu, Ebɔrɛ beeŋ jija amodoŋwura gba, ŋkpal manɛ so, Ebɔrɛ be lambu la lambu cheembi nna, menyi alɛ e la loŋ be lambu na.

1 Kɔrintebi 4:10

Ŋkpal Kristo so, an la bewulpo nna, ama menyi ere la benyiashempo nna ashi Kristo to. Anyi ere maŋ kɔ eleŋ, ama menyi ere kɔ! B kishi anyi nna, ama baa bunyaŋ menyi ere nna!

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Galeeshaebi 6:7

Men sa maŋ kaŋ fule men be amu. Esa maaŋ tiŋ n wora Ebɔrɛ eyurto. Kusɔ kama nɛ esa baŋ duu, kumo gbagba nɛ e beeŋ ba teŋi kacha ko.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

1 Jɔn 1:8

Nɛ an baŋ kaŋɛ fanɛ an maŋ kɔ kulubi bre, anyee fule anyi be amu nna nɛ kashenteŋ malɛ maŋ wɔ anyi to kuraa.