1 Kɔrintebi 3:17 - EBƆRƐ BE KAWƆL

¹⁷ Ekama nɛ e jija Ebɔrɛ be lambu, Ebɔrɛ beeŋ jija amodoŋwura gba, ŋkpal manɛ so, Ebɔrɛ be lambu la lambu cheembi nna, menyi alɛ e la loŋ be lambu na.

1 Kɔrintebi 3:17 ပူးပေါင်းရင်းမြစ်များ

Jɛnesis 28:17

Ndoŋ nna nɛ kufu pɛ mo nɛ e kaŋɛ: “Cha, daŋga be kakpa e la kaboŋ ere pasaa! K baŋ fuli nna fanɛ kaboŋ ere la Enyɛnpe na pe nna. Kumo alɛ nseŋ naa la kakpa nɛ kabuna mo nɛ k bee bugi a yɔ ebɔrɛso na gba wɔ!”

1 Kronikɛls 29:3

Ade kikɛ be kaman, n lara ŋ gbagba be gbiti nɛ shuwa n sa, nɛ loŋ bee ŋini kananɛ Ebɔrɛ be bɔrɛlambu ere be asheŋ tir ma.

Nshɛ 74:3

Naŋ bɛta m ba bɔla fo bɔrɛlambu nɛ k bure a dese na ase; kakpa nɛ an doŋana jija kusɔ kama nyam na.

Nshɛ 79:1

O Ebɔrɛ, efuli pɔtɛana so ebi ba kɔ n suge fo kasawule. B shin nɛ fo bɔrɛlambu cheembi na wora eyurpi daŋkare be ekpa so, nseŋ shin nɛ Jerusalɛm ki kade bureso a dese fuloŋ.

Nshɛ 93:5

O Enyɛnpe Ebɔrɛ, fo mbraana wɔtɔ nna mbaanaayɔ, jemanɛ kikɛ fo bɔrɛlambu na du cheembi nna nsaa walɛ kebita.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Ɛksodɔs 3:5

Nɛ Ebɔrɛ kaŋɛ mo: “Sa maŋ kaŋ naŋ firgi m ba n ti so. Lara fo asɛbta na, ŋkpal manɛ so, kasawule cheembi so nɛ fo yil na.

Aizaaya 64:11

Edɛ chɔɔ anyi be bɔrɛlambu nɛ k daa walɛ ga nsaa du cheembi nɛ an nanaana daa luri kumo to a bunyaŋ fo na m mur. Anyi be nwu lela nɛ an daa sha ga na kikɛ ki alambure m biti abar so a dese.

Ezikɛl 43:12

Mbra nɛ k dese a laŋɛ bɔrɛlambu na be kaplɛa so e la fanɛ, kaboŋ nɛ k kulti kumo ashi kebee na be awɔlto na kikɛ la kakpa cheembi gbagba nna.”

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Ezikɛl 7:22

Jemanɛ nɛ basa lubi beeŋ ba bure n luri ma bɔrɛlambu nɛ mee sha ga na to a jija kumo na, meeŋ kpele ma anishi fanɛ ŋ ka maŋ wu bumo na. Beyu ba luri n ya kaa yuri kumo to be asɔ gba, m maaŋ tuge bumo.

Levitikɔs 15:31

Ade kikɛ be kaman, nɛ Enyɛnpe Ebɔrɛ na naŋ kaŋɛ Mosis fanɛ e kpele Israɛl be basa na kusoe a laŋɛ bumo be eyurpisheŋ be kaplɛa so, saŋɛ na so b maaŋ ta eyurpi m pɛ wajɛbu nɛ k wɔ keeyi na be nferinto na. Nɛ b ta eyurpi m pɛ kumo, efuli na kikɛ beeŋ wu.”

Levitikɔs 20:3

Esa kikɛ nɛ e ta mbe kebia n sa kegbir Mɔlɛk na jija ma nshɛrbu nseŋ ŋaba ma ketre cheembi na nna na. Ŋkpal loŋ so, meeŋ pal kaman n sa amodoŋwura nɛ e maaŋ naa la ma basa Israɛl ebi to be eko.

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Nɔmbɛs 19:20

Esa kama nɛ e wora eyurpi daŋkare be ekpa so nseŋ kini kefɔr mbe kumu so daŋkare be ekpa so wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

1 Kɔrintebi 3:16

Men maŋ nyi fanɛ men la Ebɔrɛ be lambu nna nɛ Ebɔrɛ be Kiyoyu wɔ menyi to a?

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.