1 Kɔrintebi 3:15 - EBƆRƐ BE KAWƆL

¹⁵ Ama nɛ fanɛ kusɔ na baŋ chɔɔ bre, e beeŋ tɔr. Mo ere gbagba beeŋ nya kumɔlga, ama kumo alɛ beeŋ baa du fanɛ esa nɛ e bɔla edɛ to nna n shile n lar n nya mbe kumu.

1 Kɔrintebi 3:15 ပူးပေါင်းရင်းမြစ်များ

Job be kawɔl 23:10

Ama Ebɔrɛ bre nyi kusɔ kama nɛ mee wora, mo alɛ baŋ wora ma ŋ keni, e beeŋ wu ma fanɛ shuwa nɛ eyurpi maŋ wɔ kumo to.

Nshɛ 66:10

Anyi be Ebɔrɛ, fo wora anyi ŋ keni, fanɛ kananɛ baa wora gbiti a keni na.

Nshɛ 66:12

Fo shin nɛ an doŋana pɔɔ anyi so nɛ an luri edɛ nɛ nchu to, ama fo bar anyi kasawule nɛ k kɔ asɔ damta so.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Zakareya 3:2

Ndoŋ nna nɛ Enyɛnpe Ebɔrɛ be malaika na kaŋɛ Setani le: “Enyɛnpe Ebɔrɛ na e fiɛ fo so, Setani! Enyɛnpe Ebɔrɛ nɛ mbe kasha wɔ Jerusalɛm so na e fiɛ fo so. Kanyɛn ere du fanɛ kadɛdibi nɛ b pee edɛ to nna.”

Ashuŋ Shunso 27:21

Basa na ka ta nchɛ damta loŋ a maa ji shɛŋ nɛ kachako nɛ Pɔɔl koso n yili bumo to ŋ kaŋɛ: “M braana, a daga men ka daŋ bɛ ma kɔnɔ so n daŋ shir Kriit to nɛ an daŋ tiŋ ŋ gelge le be awurfoŋ nɛ jɛrbi nɛ anyee ji ere.

Ashuŋ Shunso 27:44

Nɛ bumo nɛ b ka na malɛ pɛ ekuloŋgboŋ na be ndibi fɛtaso na to m bɛ kaman a ba. Loŋ nɛ ekama daŋ wora n dii nɛ alenfia.

1 Pita 4:18

Nɛ asheŋ baa du kpakpa n sa elelapo nɛ e nya kumɔlga, nuso nɛ a beeŋ ba kaa du n sa bɔrɛkinipo nɛ alubiworapo!

2 Jɔn 1:8

Amoso, men baa de so n sa maŋ paŋ kusɔ nɛ men kpal kumo so n shuŋ na, ama men wora ania n nya men be tɔnɔ kikɛ nyam.

Juud 1:23

Men baa mɔlga beko a suge bumo ashi edɛ to, men baa wu beko malɛ kuwɔr nsaa ŋana bumo be alubiana a de so nɛ a sa maŋ kaŋ gbiti menyi.

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.