1 Kɔrintebi 3:11 - EBƆRƐ BE KAWƆL

¹¹ Ŋkpal manɛ so, esa kama maaŋ naŋ tiŋ n nase gbaltɔlase kama n naŋ ti kumo nɛ Ebɔrɛ teŋ ta Yesu Kristo n nase na so.

1 Kɔrintebi 3:11 ပူးပေါင်းရင်းမြစ်များ

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

1 Kɔrintebi 3:10

Ebɔrɛ be kuwɔr be kakɛ mo nɛ e sa ma na e shin nɛ n tiŋ n nase ebu na be gbaltɔlase na fanɛ epɔrpo nyipo na n sa basa nɛ baa pɔr a yili so. Ama a daga fanɛ ekama e baa de kananɛ e bee pɔr kumo so.

1 Kɔrintebi 3:12

Beko bee ta shuwa ŋko gbiti ŋko ajembu mo nɛ amo be yawu du kpakpa nna a pɔr a yili gbaltɔlase na so nɛ beko malɛ bee ta ndibi ŋko afitiri ŋko atuweklaŋ a pɔr a yili gbaltɔlase na so.

Ɛfesesebi 2:20

Men du fanɛ egbal be kaba nna nɛ kumo be kifi la beshuŋipo nɛ anebiana na, nɛ Kristo Yesu malɛ gbagba la kumo be gbaltɔlase.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

1 Pita 2:4

Men baa ba Enyɛnpe nɛ e bee sa ŋkpa na kutɔ. Mo e du fanɛ kejembu nɛ k kɔ ŋkpa nɛ basa keni jiga ŋ kini mo na, ama Ebɔrɛ bre kutɔ, e la mbe esa laraso nɛ mbe kenishi nna.