1 Kɔrintebi 3:1 - EBƆRƐ BE KAWƆL

¹ Ŋ kurgepoana, n daa maŋ tiŋ m malga menyi kutɔ fanɛ basa nɛ Ebɔrɛ be Kiyoyu bee juŋkpar na. N daa malga menyi kutɔ nna fanɛ durnya ere to be basa nɛ baa bɛ bumo gbagba be aparsheŋ so. N daa malga menyi kutɔ nna fanɛ bumo nɛ b la mbia ashi Kristo be asheŋ to.

1 Kɔrintebi 3:1 ပူးပေါင်းရင်းမြစ်များ

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Romebi 7:14

An nyi mbra na ka la abɔrɛsheŋ, ama ma ere la nyiŋgbasa nna nɛ alubi kɔ ma fanɛ kenya.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

1 Kɔrintebi 14:37

Ekama nɛ e bee fɛ fanɛ abɔrɛsheŋ be ewuŋkaŋɛpo e la mo ŋko fanɛ e la kiyoyu to be esa nna e baa nyi fanɛ kusɔ nɛ mee sibɛ a sa menyi ere la kamalga naseso mo nɛ k shi Enyɛnpe kutɔ nna.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

Hibruwebi 5:13

Esa kama malɛ nɛ e kraa nuu kenyipo kraa la kebibi nna na, e maŋ naŋ pin Ebɔrɛ be anishito be alelasheŋ be keŋini to.

1 Jɔn 2:12

Ma mbi shasoana, mee sibɛ nna a sa menyi ŋkpal Ebɔrɛ ka ta menyi be alubi m paŋ menyi ŋkpal Yesu so na.