1 Kɔrintebi 2:4 - EBƆRƐ BE KAWƆL

⁴ Ma alɛ daa maŋ ta kanyiasheŋ nɛ mmalga belbelso nna nɛ n nya menyi. Ama ŋ ka daŋ malga m bɔ kubɔya na, Ebɔrɛ be Kiyoyu be eleŋ daŋ dii efuli nna.

1 Kɔrintebi 2:4 ပူးပေါင်းရင်းမြစ်များ

Aŋasa 20:19

Esheŋjipo kikɛ maŋ tiŋ ŋ keta ashiri, amoso baa gelge mo.

Aŋasa 7:21

Kache na ta mmalga belbelso nna, n fule mo, m pɛ mo nɛ e shuli n sa mo.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Ezikɛl 13:6

Bumo be ebɔrɛdare nɛ baa ku na kikɛ maŋ la kashenteŋ. Bumo be asheŋ nɛ baa kaŋɛ fanɛ a beeŋ wora na kikɛ la efɛ nna. Baa kaŋɛ nna fanɛ ma kubɔya nɛ baa malga, ama ma alɛ maaŋ shuŋi bumo. Amo nɛ amo kikɛ, baa sha fanɛ bumo be mmalga e baa la kashenteŋ nna.

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.

Ashuŋ Shunso 26:28

Nɛ Agripa bishi Pɔɔl: “Fo tama fanɛ feeŋ tiŋ n yili epul ere to n shin nɛ ŋ ki Kristo be ebɛsopo a?”

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

1 Kɔrintebi 1:17

Ŋkpal manɛ so, Kristo maŋ shuŋi ma nna fanɛ m ba kaa bɛr basa kabɔrɛbɛr, e shuŋi ma nna fanɛ m ba kaa bɔ baru lela na a sa basa. Kumo alɛ maŋ la fanɛ m ba ta dimɛdi be kamalganyi be mmalga nna n wora loŋ, nɛ mannɛ aloŋ, Kristo be luwu nɛ e wu kedibi largato so na beeŋ paŋ kumo be eleŋ na.

1 Kɔrintebi 2:1

Ŋ kurgepoana, ŋ ka daŋ ba menyi kutɔ nɛ m ba kaŋɛ menyi wulo be asɔ nɛ Ebɔrɛ bugi to na, n daa maŋ ta kɔnɔ belbelso nɛ kenyisha be kanyiasheŋ be mmalga n tu menyi.

1 Kɔrintebi 2:13

Amoso, anyi maa malga mmalga mo nɛ edimɛdi ta bumo be kanyiasheŋ ŋ ŋini. Mmalga mo nɛ Kiyoyu na ŋini nɛ an kɔ a bugi Kiyoyu na to be nshenteŋ a sa basa nɛ b kɔ Kiyoyu na.

1 Kɔrintebi 4:20

Ŋkpal manɛ so, Ebɔrɛ be kuwura na be asheŋ baa maa la kamalga nna, k la eleŋ nna.

2 Kɔrintebi 6:6

An bɔla an be kebaawɔtɔ nɛ k maŋ kɔ eyurpi so nɛ anyi be kanyiasheŋ so nɛ anyi be kanyitiso nɛ anyi be kebaala basa so ŋ ŋini fanɛ an la Ebɔrɛ be beshumpo nna ashi Kiyoyu Cheeŋ nɛ kashenteŋ be kasha to.

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Kɔlɔsiebi 2:4

Mee kaŋɛ menyi ade kikɛ nna nɛ men sa maŋ shin nɛ esa kikɛ e tiŋ n ta efɛ be kamɔrɔji n shin nɛ men foe ekpa.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

2 Pita 1:16

Men baa nyi fanɛ mannɛ dimɛdi be kanyiashenso be nfɛra fɛso be ablɔmbi so nɛ an daa bɛ saŋɛ nɛ an daŋ kaŋɛ menyi an Nyɛnpe Yesu Kristo be eleŋ nɛ mbe keba be asheŋ na. An daŋ wu kemaŋkura na kenishiso.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

Demujipoana 14:15

Kachɛ nasopo na nɛ b ya kaŋɛ Samsɔn be eche le: “Chuchɔl fo kul na nɛ e kaŋɛ anyi mbe keyiremu na be kusɔ nɛ k bee ŋini, nɛ mannɛ aloŋ anyeeŋ chɔɔ fo tuto be kowu n lɛ fo nɛ basa nɛ b wɔ fo tuto be laŋ to na kikɛ so m mɔ. Men tre anyi nna m ba nɛ men ba suge anyi a?”

Demujipoana 16:5

Ndoŋ nna nɛ Filistiebi na be benimu na yɔ kebichebi na kutɔ n ya kaŋɛ mo le: “Wora ania n fule Samsɔn nɛ e ŋini fo ashiri nɛ k wɔ mbe eleŋ nɛ e kɔ ere be kaman nɛ an tiŋ n nya mo m pɛ ŋ kre mo nɛ e maŋ naŋ tiŋ n wora shɛŋ. Anyi alɛ b ekama beeŋ sa fo gbiti be ndarbi kagboŋ nɛ kalfa koŋwule.”