1 Kɔrintebi 2:14 - EBƆRƐ BE KAWƆL

¹⁴ Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Kɔrintebi 2:14 ပူးပေါင်းရင်းမြစ်များ

Aŋasa 14:6

Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Baru lela nɛ Jɔn kute na 10:20

Le nɛ bumo be bedamta daŋ kaŋɛ: “Kiyoyu lubi e wɔ mo to. E bee lɔ eboŋ nna. Manɛ so nɛ esa bee nu ede be mmalga!”

Baru lela nɛ Jɔn kute na 12:37

Yesu daŋ wora emamachisheŋ damta ere kikɛ bumo be anishito, ama bumo alɛ daa maŋ yirda mo.

Baru lela nɛ Jɔn kute na 14:17

mo e la kashenteŋ be Kiyoyu na, nɛ e ba kaa wɔ menyi kutɔ mbaanaayɔ. Durnya ere to ebi maaŋ tiŋ n sɔ loŋ be Echɛtopo na, ŋkpal manɛ so, b maaŋ tiŋ n wu mo, bumo alɛ maŋ naa nyi mo. Ama menyi ere nyi mo, ŋkpal manɛ so, e beeŋ ba kaa wɔ menyi kutɔ nseŋ naa wɔ menyi be ŋgbeneana to.

Baru lela nɛ Jɔn kute na 14:26

Ama Echɛtopo na, mo e la Kiyoyu Cheeŋ nɛ n Tuto beeŋ shuŋi ma ketre to na kaŋ ba, e beeŋ ŋini menyi kusɔ kama nseŋ nyiŋi menyi asɔ nɛ ŋ kaŋɛ menyi kikɛ.

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Baru lela nɛ Jɔn kute na 8:43

Men nyi kusɔ nɛ k ba nɛ men maa pin ma mmalga to ere a? Kusɔ nɛ k ba e la fanɛ men maaŋ tiŋ n nu amo.

Ashuŋ Shunso 16:14

Ndoŋ nɛ an ya chena m malga n sa beche ko ka ba shɛr. Beche nɛ b daŋ nu anyi be kamalga na be eko e daa la Libiya, e daa la ewajɛ peper kunɔkunɔ nɛ amo be yawu daa du kpakpa na be efapo nna n shi Tayataira. E daa la eche nɛ e daŋ bunyaŋ Ebɔrɛ nna nɛ Enyɛnpe bugi mbe kagbene nɛ e bugi asoe n nu kusɔ nɛ Pɔɔl daa kaŋɛ na.

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

Ashuŋ Shunso 18:15

Ama k ka la mmalga nɛ atre nɛ menyi be mbraana be asheŋ ere bre, menyi gbagba e ji kumo kumo be ekpa so. M maaŋ ji loŋ be asheŋ be demu.”

Ashuŋ Shunso 25:19

Bumo gbagba be kabɔrɛshuŋ nɛ ebuninyɛn ko nɛ baa tre Yesu na be emɔrɔana nawule be asheŋ nɛ b daa kɔ. Pɔɔl bee kaŋɛ nna fanɛ amo be kanyɛn na wɔ ŋkpa to.

1 Kɔrintebi 1:18

Ŋkpal manɛ so, luwu mo nɛ Kristo wu kedibi largato so be kubɔya na la kawulisheŋ nna n sa basa nɛ b wɔ kemur be ekpa to na. Ama anyi nɛ an wɔ kumɔlga be ekpa to ere bre, loŋ be kubɔya na la Ebɔrɛ be eleŋ nna.

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

1 Kɔrintebi 1:25

Ŋkpal manɛ so, kusɔ nɛ k bee ŋini Ebɔrɛ be kawulisheŋ kɔ kanyiasheŋ a chɔ edimɛdi be kanyiasheŋ. Kusɔ nɛ kumo alɛ bee ŋini Ebɔrɛ be kapɔshi basa be anishito kɔ eleŋ a chɔ edimɛdi be eleŋ.

1 Kɔrintebi 15:44

Kumo be kepuli to, durnya ere to be eyur nna, kumo be ketiŋi bre to, kiyoyu to be eyur e naaŋ baa la. Nɛ fanɛ durnya ere to be eyur ere baa wɔtɔ, loŋ koŋwule na nna nɛ kiyoyu to be eyur na gba wɔtɔ.

1 Kɔrintebi 15:46

Mannɛ fanɛ kiyoyu to be asheŋ e juŋkpar m ba, durnya ere to be asheŋ e juŋkpar m ba, amo alɛ be kaman pɔɛŋ nɛ kiyoyu to be asheŋ ba.

1 Kɔrintebi 2:12

Kiyoyu mo nɛ anyi ere nya na maŋ la durnya ere to peya nna. E shi Ebɔrɛ kutɔ nna, saŋɛ na so, anyeeŋ pin asɔ nɛ Ebɔrɛ ta ŋ kɛ anyi na kikɛ nyam.

1 Kɔrintebi 3:1

Ŋ kurgepoana, n daa maŋ tiŋ m malga menyi kutɔ fanɛ basa nɛ Ebɔrɛ be Kiyoyu bee juŋkpar na. N daa malga menyi kutɔ nna fanɛ durnya ere to be basa nɛ baa bɛ bumo gbagba be aparsheŋ so. N daa malga menyi kutɔ nna fanɛ bumo nɛ b la mbia ashi Kristo be asheŋ to.

Jeems 3:15

Mannɛ ebɔrɛso nɛ loŋ be kanyiasheŋ shi, durnya ere to nɛ k shi a la basa be nfɛra lubiana be asheŋ nɛ a shi ayoyu lubi kutɔ.

1 Jɔn 2:20

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ menyi kikɛ e pin kashenteŋ na.

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

Juud 1:19

Le be basa ere e naa bar kebarga to basa to na, durnya to be basa nɛ b maŋ kɔ Ebɔrɛ be Kiyoyu na.