1 Kɔrintebi 2:12 - EBƆRƐ BE KAWƆL

¹² Kiyoyu mo nɛ anyi ere nya na maŋ la durnya ere to peya nna. E shi Ebɔrɛ kutɔ nna, saŋɛ na so, anyeeŋ pin asɔ nɛ Ebɔrɛ ta ŋ kɛ anyi na kikɛ nyam.

1 Kɔrintebi 2:12 ပူးပေါင်းရင်းမြစ်များ

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

1 Kɔrintebi 1:27

Ama Ebɔrɛ lara durnya ere to be asɔ wuliso nna nɛ e ta anishinyɔr m pɛ benyiashempo. E lara durnya ere to be asɔ pɔso nna nɛ anishinyɔr e pɛ belempo.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

1 Kɔrintebi 3:22

Pɔɔl ŋko Apɔlɔs ŋko Sifas ŋko durnya ŋko ŋkpa ŋko luwu ŋko asheŋ nɛ a bee wora naniere ŋko amo nɛ a beeŋ wora echefoso kikɛ nyam la menyeya nna.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

1 Jɔn 2:20

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ menyi kikɛ e pin kashenteŋ na.

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 22:6

Nɛ malaika na kaŋɛ ma le: “Mmalga ere la kashenteŋ nna nɛ baaŋ tiŋ n yirda amo. Amo alɛ so nɛ Enyɛnpe Ebɔrɛ malɛ ta mbe Kiyoyu na n sa mbe anebi nseŋ shuŋi mbe malaika fanɛ e ba ŋini mbe anya asɔ nɛ a maaŋ naŋ chɛr nseŋ wora na kikɛ.