1 Kɔrintebi 2:11 - EBƆRƐ BE KAWƆL

¹¹ Esa kikɛ maa pin esa kama be nfɛra to she esa na wura gbagba be kiyoyu e nyi mo to. Loŋ koŋwule na malɛ nɛ esa kikɛ maaŋ tiŋ m pin Ebɔrɛ be nfɛra to she Ebɔrɛ be Kiyoyu na nawule.

1 Kɔrintebi 2:11 ပူးပေါင်းရင်းမြစ်များ

Job be kawɔl 15:8

Ebɔrɛ ka daa wora mbe ŋkre sososo na, fo daa wɔ ndoŋ a? Fo nawule e kɔ kanyiasheŋ a?

Aŋasa 14:10

Esa pɔtɛ maaŋ tiŋ m pin kagbenefuli ŋko ebesa nɛ k wɔ esa be kagbene to.

Aŋasa 20:27

Enyɛnpe Ebɔrɛ be fitila bee wu dimɛdi be nfɛra, nɛ mbe kebaawɔtɔ to kikɛ nna.

Aŋasa 20:5

Dimɛdi be nfɛra fɛso du chiŋgeliŋ nna fanɛ ketirbu chiŋgeliŋ to be nchu na. Enyiashempo nawule e naa tiŋ a saŋ amo.

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

1 Kɔrintebi 12:8

Kiyoyu na bee kaa sa esa ko kanyiasheŋ be kamalga be kakɛ nna ŋkaa sa eko malɛ nfɛra mo nɛ a shi mo gbagba kutɔ nɛ e malga be kakɛ.

1 Kɔrintebi 2:10

Ebɔrɛ bɔla mbe Kiyoyu so nna n lara asheŋ ere ŋ ŋini anyi. Ebɔrɛ be Kiyoyu na malɛ e naa wu asheŋ to nɛnɛ hale Ebɔrɛ be wulo to be asheŋ.