1 Kɔrintebi 16:16 - EBƆRƐ BE KAWƆL

¹⁶ Amoso, mee kule menyi nna fanɛ men baa nu a sa le be basa nɛ bekama malɛ gba nɛ b luri loŋ be kushuŋ na to a wɔtɔ a shuŋ kumo na.

1 Kɔrintebi 16:16 ပူးပေါင်းရင်းမြစ်များ

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

Kaŋinichiŋgeliŋ 1:3

Manɛ be tɔnɔ bre nɛ anyee nya kegben damta nɛ anyee gben ere to?

Romebi 16:12

Mee chɔrɔ Traifina nɛ Traifosa nɛ b la beche nɛ baa shuŋ ga ashi Enyɛnpe be kushuŋ na to na. Mee chɔrɔ n teri lela Pɛɛsis nɛ mo alɛ gba la eche n shuŋ ga Enyɛnpe be kushuŋ na to na.

Romebi 16:3

Mee chɔrɔ Prisila nɛ Akwila nɛ b la m braana Kristo be beshumpo na.

Romebi 16:6

Mee chɔrɔ Mɛɛri nɛ e shuŋ ga n sa menyi na.

Romebi 16:9

Mee chɔrɔ Ebaanes nɛ e la m barkasa Kristo be eshumpo na nsaa chɔrɔ n teri lela Staakis gba.

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

Ɛfesesebi 5:21

Men baa bar men be amu kaseto a sa abar ŋkpal men be bunyaŋ nɛ men kɔ a sa Kristo na so.

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

1 Tɛsalɔnikaebi 5:12

Bekurgepoana, anyee kule menyi fanɛ men baa bunyaŋ bumo nɛ b wɔ menyi to a shuŋ na, bumo nɛ Ebɔrɛ lara nɛ b baa la menyi be benimuana a ŋini menyi na.

1 Timoti 5:17

Asɔri to be benimu nɛ baa juŋkpar bumo be basa nɛnɛ daga b ka bunyaŋ bumo ga, fɔnfɔŋ bumo nɛ baa bɔ kubɔya na nɛ bumo nɛ baa ŋini abɔrɛsibɛ na.

Hibruwebi 13:17

Men baa nu a sa menyi be bejuŋkparpoana nsaa sɔ bumo be atande. Bumo e naa keni menyi be ayoyu so fanɛ basa nɛ Ebɔrɛ beeŋ ba bishi bumo menyi be asheŋ. Men baa nu a sa bumo nɛ b tiŋ n shuŋ bumo be ashuŋ kagbenefuliso, mannɛ kagbenejijaso, ŋkpal manɛ so, keshuŋ ashuŋ kagbenejijaso maaŋ chɛ menyi to kuraa.

Hibruwebi 13:24

Men chɔrɔ menyi be bejuŋkparpoana nɛ Ebɔrɛ be basa kikɛ. Bekurgepo mo nɛ b shi Itali na bee chɔrɔ menyi.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.

3 Jɔn 1:8

Amoso, loŋ be basa e daga fanɛ anyi alɛ e baa chɛ bumo to, saŋɛ na so anyi nɛ bumo beeŋ baa chɛ abar to kashenteŋ be keŋini be kushuŋ na to.

Kelaraŋŋini 2:3

N nyi kananɛ men kɔ kanyiti a yil to nɛ kananɛ menyee ji tɔrɔ ŋkpal ma ketre so, menyi alɛ ŋkaa maa pɔ aba.