1 Kɔrintebi 16:15 - EBƆRƐ BE KAWƆL

¹⁵ Bekurgepoana, men nyi fanɛ Stɛfanas nɛ mbe kowu to ebi e la bekurgepo juŋkparsoana ashi Akaya be kasawule so, bumo alɛ ta bumo be amu kikɛ nna a shuŋ Ebɔrɛ be basa laraso.

1 Kɔrintebi 16:15 ပူးပေါင်းရင်းမြစ်များ

Ashuŋ Shunso 18:12

Galio ka ba ki Romebi be gomena ashi Griis nɛ Juwebi na wora kɔnɔkoŋwule n nyaŋ Pɔɔl n ta mo n yɔ demujikpa n ya kaŋɛ gomena na:

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

Romebi 15:25

Naniere bre, ma aya kraa wɔ Jerusalɛm be ekpa to nna ŋkpal Ebɔrɛ be basa nɛ b wɔ ndoŋ so.

Romebi 15:31

Men baa kule Ebɔrɛ fanɛ Judiya be efuli so be basa nɛ b maŋ kɔ yirda na maaŋ ya wora ma shɛŋ nseŋ naŋ kule mo fanɛ kushuŋ nɛ mee yɔ nɛ n ya shuŋ Jerusalɛm ere beeŋ par Ebɔrɛ be basa ndoŋ.

Romebi 16:2

Men sɔ mo menyi to fanɛ esa nɛ e la Enyɛnpe na peya, nɛ kechɛto kama nɛ e bee sha menyi kutɔ, men chɛ mo to kananɛ k daga bebɛsopo ka wora, ŋkpal manɛ so, e la esa nɛ e chɛ basa damta to nna n ta ma alɛ gba n ti so.

Romebi 16:5

Mee chɔrɔ asɔriebi nɛ baa shɛr le be basa koŋwule ere pe na gba. Mee chɔrɔ n teri lela Epainites nɛ e baŋ juŋkpar m ba ta mbe yirda n deŋi Kristo so ashi Eeshia be kasawule so na gba.

1 Kɔrintebi 1:16

N nyiŋi fanɛ ŋ ka bɛr Stɛfanas nɛ mbe kowu to ebi gba, ama bede be buushi m maŋ naŋ nyiŋi ŋ ka bɛr esa kama kabɔrɛbɛr n naŋ ti so.

1 Kɔrintebi 16:1

To, naniere men shin nɛ an keni keto toto n sa Ebɔrɛ be basa na be asheŋ to. Men baa wora kananɛ ŋ kaŋɛ Galeeshaebi be asɔriana fanɛ b baa wora na.

1 Kɔrintebi 16:17

Stɛfanas nɛ Fɔɔchunates nɛ Akaikɔs ka ba, ma kagbene fuli ma ga, ŋkpal manɛ so, men ka maŋ wɔ nfe ere, bumo e ba tal to.

2 Kɔrintebi 8:4

Bumo gbagba be kasha so nɛ b kule anyi ga fanɛ baa sha fanɛ bumo alɛ gba e nya ekpa nna n tiŋ n chɛ Ebɔrɛ be basa to.

2 Kɔrintebi 9:1

Kashenteŋto, naniere a maŋ naŋ daga ŋ ka naŋ sibɛ menyi ŋ kaŋɛ kechɛ Ebɔrɛ be basa to be kushuŋ ere be asheŋ.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

Failimɔn 1:7

Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Pita 4:10

Kiyoyu Cheeŋ be kakɛ kama nɛ ekama kɔ, e baa ta loŋ be kakɛ na a shuŋ mo braana fanɛ kenya lela nɛ b ta Ebɔrɛ be kuwɔr be kakɛ damtaana m bɔɔ mo enɔ.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.