Pɔɔl ta loŋ n ya fo Dɛbi n lar ndoŋ n yɔ Listra n ya tu ebɛsopo ko nɛ baa tre Timoti ndoŋ. Mo nio gba daa la eyirdapo nna a la Juw nɛ mo tuto malɛ daa la Griik.
Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.
Amoso, esa kama e sa maŋ kaŋ kini mo. Men chɛ mo to nɛ e nya ekpa n lar ndoŋ kagbenewushiso m ba ŋ kutɔ nfe. Mo nɛ bekurgepoana na nɛ mee keni ekpa na.
Ŋkpal loŋ so, mee shuŋi Timoti men kutɔ nna. E la m pibi shaso nna nɛ esa nɛ meeŋ tiŋ n yirda ashi Enyɛnpe be kaplɛa so. E beeŋ nyiŋi menyi kananɛ ma kebaawɔtɔ du ashi Kristo Yesu to fanɛ kananɛ mee ŋini amo kaplɛkama ashi asɔri kama to na.
Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.
An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.